1 Taarika 6:49 - Mandinka Bible

⁴⁹ Haaruna niŋ a koomalankoolu, wolu le ka sadaalu bondi sadaajanidulaa* kaŋ, aniŋ ka cuuraayoo siisindi cuuraayi siisindidulaa to. Itolu le ka Dulaa Senuŋ Baa* la dookuwo bee ke ka junube kafaroo ñini Banisirayilankoolu ye, ko Musa, Alla la dookuulaa ye a yaamaroo dii ñaameŋ.

1 Taarika 6:49 ပူးပေါင်းရင်းမြစ်များ

3 Musa 4:20

A si ñiŋ tuuraa ke komeŋ wo tuuraa doo, meŋ mu piriisoo la junube kafarilaŋ sadaa ti. Piriisoo si junube kafaroo sii noo moolu ma teŋ ne, aduŋ ì si yamfoo soto.

Yuuba 33:24

A si ke noo, wo malaayikoo ye balafaa soto a ye, a ye yamfoo daani a ye Alla bulu, ka kana kaburu dinkoo ma. A si a fo Alla ye ko, “A kanandiraŋ kumakaaraŋo fele.”

2 Musa 29:33

Ì ñanta ñiŋ sadaalu domo la le, kaatu a keta ì ye ì la tolooroo niŋ ì la seneyandiroo junube kafarilaŋ sadaa le ti. Bari moo-wo-moo meŋ maŋ ke piriisoo* ti, maŋ ñaŋ na ì domo la, kaatu ì seneyaata le.

Yosuwa 1:1

Yosuwa Nuni dinkewo keta Musa la maakoyirilaa le ti. Kabiriŋ Musa, Yaawe* la dookuulaa beleta, Yaawe ko Yosuwa ye ko,

5 Musa 34:5

Bituŋ Musa, Yaawe la dookuulaa, beleta Mowabi bankoo kaŋ, ko Yaawe ye a fo ñaameŋ.

4 Musa 16:16

Bituŋ Musa ko Kora ye ko, “Ite Kora, i niŋ i la kafoo moolu bee si beŋ Yaawe ñaatiliŋo la saama, i niŋ ì bee, aniŋ Haaruna.

4 Musa 15:25

Piriisoo* le ñanta junube kafaroo sii la Banisirayila jamaa bee ma, aduŋ ì be yamfoo soto la le. A keta lañinoo le kono, aduŋ ì ye sadaa bo n ye le meŋ keta niŋ dimbaa la, aniŋ junube kafarilaŋ sadaa, ì la junube kuu kewo kamma la.

3 Musa 1:5

I si tuuraariŋo ñiŋ kanateyi nte Yaawe ñaatiliŋo la jee. Bituŋ Haaruna dinkee piriisoolu* si a yeloo taa, ì ye naa a yeloo sari sadaajanidulaa* karadandaŋolu bee bala, meŋ be Bendulaa Tiriliisoo dundaŋ daa to.

1 Taarika 6:48

Ì baadiŋ Lewi lasiloo moolu le tombonta ka mara Tiriliisi Senuŋo dookuwo la, meŋ mu Alla Batudulaa ti.