1 Taarika 4:43 - Mandinka Bible

⁴³ Ì ye Amalekinka toomaalu bee kasaara, mennu kanata nuŋ, bituŋ ì naata sii jee, a keta ì taa ti ka naa bula fo bii la.

1 Taarika 4:43 ပူးပေါင်းရင်းမြစ်များ

1 Samuweli 30:17

A saamoo fanikewo Dawuda ye ì boyinkaŋ, a ye ì kelendi fo wulaaroo. Fondinkee keme naani le kanata, ì seleta ñonkomoolu kaŋ, ì taata. Wolu koolaa moo le maŋ kana.

2 Samuweli 8:12

Edomu bankoo, Mowabi bankoo, Ammoni bankoo, Filisitini bankoo, aniŋ Amaleki bankoo. A ye feŋolu mennu buusi Hadadesa la, meŋ keta Rehobu dinkewo ti, Soba mansa, a ye wo doolu fanaa ke Yaawe la dookuwo le ye.

Matiyu 28:15

Bituŋ kelediŋ kantarilaalu ye kodoo taa. Ì ye a ke ko ì ye ì yaamari a la ñaameŋ. Aduŋ ñiŋ kuma kalantaŋo janjanta Yahuudoolu kono le hani bii.

Matiyu 27:8

Wo le ye a tinna hani ka bii wo kunkoo ka kumandi Yelekunkoo la.

Yeremiya 44:6

Wo kamma la, ŋa n na kamfaa baa kupi naŋ. A malata Yahuuda saatewolu kamma, aniŋ Yerusalaamu mbeedoolu kaŋ, a ye ì ke tumbuŋ kenseŋolu ti, ko ì be ñaameŋ bii.”

2 Taarika 5:9

Ñiŋ dokoolu jaŋayaata baake le, fo ì neŋolu ka je noo, niŋ i be Dulaa Senuŋo to, meŋ be Dulaa Senuŋ Baa ñaatiliŋo la, bari ì buka je noo banta la, aduŋ hani ka naa bula bii la, ì be jee le.

Kiitindirilaalu 1:26

Bituŋ a taata Hitinkoolu la bankoo kaŋ, daameŋ a ye saatewo loo jee. A ye a toolaa Lusi la. Wo too le tuta saatewo ñiŋ kunto fo ka naa bula bii tiloo la.

5 Musa 34:6

Yaawe ye a baadee wulumbaŋo kono, Mowabi bankoo kaŋ, Beti-Pewori saatewo ñaatiliŋo la. Bari moo maŋ a loŋ a la kaburoo be daameŋ, fo ka naa bula bii tiloo la.

1 Samuweli 30:16

A tambita Dawuda ñaato, ì taata jee. Ñapinkannaalu tarata janjandiŋ karoo bee le la, ì be domoroo niŋ miŋo la aniŋ doŋo, kaatu ì ye feŋ jamaa le taa Filisitinkoolu niŋ Yahuuda moolu la bankoolu kaŋ.