1 Taarika 4:10 - Mandinka Bible

¹⁰ Yabesi naata Banisirayila la Alla daani ko, “M Maarii, i la neemoo niŋ barakoo dii n na, i ye n na bankoo kenoo fanundi. I ye tara m fee, i ye n tanka bataa ma meŋ si n toora.” Bituŋ a ye meŋ daani, Alla naata a ke a ye.

1 Taarika 4:10 ပူးပေါင်းရင်းမြစ်များ

Kuma Kotoomaalu 10:22

Yaawe la neemoo le ka naafuloo samba naŋ, bari kata baa buka feŋ ne lafaa a kaŋ.

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Efesusinkoolu 3:20

Tenturoo niŋ jayiroo be ate le ye, meŋ ka kuwolu bee ke noo hani ka tambi, ǹ ka a daani mennu la, waraŋ ǹ ka mennu miira. Tenturoo be ate le ye, meŋ ka ñinnu bee ke semboo la, meŋ be dookuwo la ntolu kono.

Jabuuroolu 119:173

I maakoyiri buloo tu tilindiŋ n na, kaatu ŋa ñiŋ ne tomboŋ ka bula i la yaamaroolu nooma.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.

Yohana 10:28

N ka badaa-badaa baluwo dii ì la le, aduŋ ì nene te bono la fo abadaa. Moo te ì buusi noo la m buloo kono muk.

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Jabuuroolu 21:4

A ye i daani le fo a si mee, i ye a dii a la, meŋ keta siimaayaa baa ti.

Yesaya 41:17

“Fuwaaroolu niŋ fentaŋolu ka jiyo ñini le, bari ì maŋ jii soto. Ì neŋolu karata ì naaliŋo bala mindoo kamma. Bari nte Yaawe be ì maakoyi la le, nte Banisirayila la Alla te ì tu la jee.

Jabuuroolu 55:16

Bari n ka Alla le kumandi, aduŋ ate Yaawe* le be n tankandi la.

1 Korintinkoolu 1:2

be Alla la kafoo moolu kontoŋ na, mennu be Korinti saatewo kono. M̀ be ali kontoŋ na, Alla ye mennu seneyandi ka bo niŋ Kiristu Yeesu la, a ye ali kumandi ka ke moo senuŋolu ti fo a si ali kafu moolu ma, mennu ka m̀ Maarii Yeesu Kiristu too kumandi daa-wo-daa baturoo kono ko ǹ ka a kumandi ñaameŋ.

1 Musa 33:20

Yaakuba ye sadaabodulaa* loo jee, a ye a toolaa Alla le mu Isirayila la Alla ti.

1 Musa 12:2

M be i koomalankoolu siyandi la le, fo ì si ke banku sembemaa baa ti. M be neema la i ma, m be i ke la moo too boriŋ baa ti duniyaa kono, i be ke la neemoo moo ti.

1 Musa 48:16

Aduŋ a la malaayikoo le ye n tanka kooroo kuwo bee ma. Allamaa Alla ye neema ke ñiŋ kambaanendiŋolu ye. Allamaa n too niŋ n na moo foloolu Iburayima niŋ Isiyaaka toolu ye tu keriŋ ka bo niŋ ñinnu la. Allamaa ì ke la jiidilaa ti, ì ye siyaa duniyaa kono.”

Jabuuroolu 99:6

Ali hakiloo si bula Musa niŋ Haaruna la, ì tarata nuŋ Yaawe la piriisoolu* le kono. Samuweli fanaa keta moo le ti meŋ duwaata Yaawe too la. Ì woosiita a ye le, aduŋ a ye ì danku.

Jabuuroolu 72:17

Allamaa mansa too tu la keriŋ fo fawu, a too ye tu bo la ko tiloo. Allamaa bankoolu moolu ye neema ka bo niŋ ate la, aniŋ ì ye a kumandi neemariŋo la.

1 Musa 32:28

Bituŋ kewo ñiŋ ko a ye ko, “I too te ke la Yaakuba ti kotenke, i too be ke la Isirayila le ti, kaatu i niŋ Alla ye keloo ke le, i niŋ hadamadiŋolu fanaalu keleta, aduŋ i ye i kutu ì la le.”

Jabuuroolu 65:2

Moolu bee be naa ite le kaŋ, kaatu ite le ka duwaa jaabi.

1 Musa 32:26

Bituŋ kewo ñiŋ kumata ko, “M batu ŋa taa, tiloo be bo kaŋ ne.” Bituŋ Yaakuba ko a ye ko, “N te i bula la i ye taa, fo niŋ i neemata m ma foloo.”

Kuma Kotoomaalu 30:8

Tilimbaliyaa niŋ faniyaa jamfandi n na, kana m fuwaareyandi, aduŋ i kana n ke naafulutiyo ti, bari i si n na baluwo dammaa dii n na.

Jabuuroolu 51:8

I ye n toñonka ñaa-wo-ñaa, m murundi seewoo niŋ jusulaa kono, ŋa seewoo.

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.

1 Samuweli 1:17

Eli ye a jaabi ko, “Taa kayira kono. Allamaa Banisirayila la Alla ye i lafinna kuwo ke i ye.”

1 Musa 12:8

Ka bo jee a naata konkotundoo* kaŋ, Beteli tilibo kara maafaŋo la. A ye a la tiriliisoo* loo ka tara Beteli tilijii karoo niŋ Ayi tilibo karoo teema. A ye sadaabodulaa loo jee fanaa to Yaawe ye, a ka duwaa niŋ a too la.

Jabuuroolu 51:12

Seewoo dii n na kotenke i la kiisandiroo ka meŋ saabu. M bambandi ka i la kuwo muta n niyo la.

Roomankoolu 12:9

Ali la kanoo si ke tooñaa ti. Ali kuu jawoo koŋ, ali ye kuu betoo muta kendeke.

Kiilaalu 3:26

“Alla ye a la dookuulaa Yeesu kii alitolu le foloo kaŋ, aduŋ a ye a wulindi saayaa kono, fo a si neema ali ma, niŋ ali ye ali koo dii ali la kuruŋyaa la.”

Roomankoolu 16:19

Bari alitolu la yaamarimutoo, moolu bee ye wo moyi le. Wo kamma la, nte seewoota ali la kuwo to le, aduŋ n lafita, ali si ñaameŋo soto kuu betoo la karoo la, bari ali si ke lombaloo ti kuu jawoo la kuwo to.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

1 Taarika 16:8

Ali tenturoo dii Yaawe la. Ali ye a batu a too la. Ali a fo bantala banku* moolu ye a ye kuwolu mennu ke.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Efesusinkoolu 4:30

Ali kana Alla la Noora Kuliŋo sunundi, ali tamputa ka bo niŋ meŋ na ka a ke ali la suuteerilaŋo ti kiisoo luŋo ye.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

Luka 19:42

A ko, “N hameta, i ye a loŋ, i la kayiroo be dendiŋ meŋ na, bari saayiŋ a be maaboriŋ i ñaalu ma le!

Matiyu 26:75

Bituŋ Pita hakiloo bulata Yeesu la kumoo la, a ye meŋ fo a ye ko, “Janniŋ duntuŋo be kookolee la, i be balaŋ na nte ma le fo siiñaa saba.” Wo to le Pita taata banta, a kumboota baake.

1 Taarika 4:9

Kee doo le mu, a too mu Yabesi le ti, ì ye a la kuwo kuliyandi ka tambi a baadiŋolu la. A baamaa ye a toolaa Yabesi le la, kaatu a ye ñiŋ ne fo ko, “Ŋa a wuluu bataa le kono.”

1 Taarika 4:11

Kelubu, Suha baadiŋo, wo le ye Mehiri wuluu, Mehiri ye Esitoni wuluu,

1 Musa 28:20

Bituŋ Yaakuba naata laahidoo taa ko, “Niŋ Alla be tara la m fee, aduŋ ate le be ke la n tankandirilaa ti n na taamoo waatoo kono, m be meŋ kaŋ, aniŋ ate le be ke la domoroo diilaa ti n ye, aniŋ ka m feetoofata,

1 Musa 28:21

fo ŋa muru naŋ m faa suwo kono kayiroo kono, wo to Yaawe le be ke la n na Alla ti.

1 Musa 32:27

Wo le to kewo ñiŋ ko a ye ko, “Ite too ndii?” Yaakuba ye a jaabi ko, “N too mu Yaakuba le ti.”

1 Samuweli 1:20

Bituŋ wo waatoolu kono Hanna harijeeta, aduŋ biriŋ waatoo siita, a naata dinkewo le wuluu. A ye a toolaa Samuweli la, ka a fo ko, “Kaatu ŋa Yaawe daani a la le.”

1 Samuweli 1:26

Aduŋ Hanna ko a ye ko, “Hakatu n ye, m maarii. Nte le mu wo musoo ti, meŋ loota i daala, m be duwaa daani kaŋ niŋ Yaawe too la.

1 Samuweli 1:27

N duwaata nuŋ ñiŋ diŋo le la, aduŋ Alla ye n na natoo timmandi n ye le.

Jabuuroolu 121:7

Yaawe be i tankandi la kuu jawoo bee ma le, a be i niyo kanta la le.

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.