1 Taarika 29:4 - Mandinka Bible

⁴ Ŋa saniforoo meŋ bota Ofiri bankoo kaŋ tooni keme le dii aniŋ kodiforoo tooni keme fula, tooni taŋ naani, ka Yaawe Batudulaa bumbaloolu muuri ì la,

1 Taarika 29:4 ပူးပေါင်းရင်းမြစ်များ

1 Mansoolu 9:28

Ì teyita ka taa Ofiri bankoo kaŋ, aduŋ ì niŋ sanoo naata naŋ meŋ siyaata kilo wuli taŋ niŋ naani ti, ì ye a dii Sulemani la.

1 Taarika 22:14

Ka bo niŋ n na katoo daŋo bee la, ŋa ñiŋ feŋolu bee parendi Yaawe Batudulaa Buŋo loo ye, mennu be ko, sani tooni wuli saba keme naani, kodiforo tooni wuli taŋ saba niŋ naani ñoŋ mennu ñanta dookundi la buŋ loo waatoo la, aduŋ jaawaloolu niŋ newolu, moo maŋ mennu hapoo niŋ kuliyaa loŋ. Wolu bee koolaa ŋa babaroolu niŋ beroolu jamaalu parendi le. Bari i ñanta lafaaroo ke la le.

Yuuba 28:16

A daa te sumaŋ noo la Ofiri tundoo sanoolu to. Bere ñiimaalu, komeŋ onisi waraŋ safiiri niŋ a te kaañaŋ noo la.

1 Taarika 29:3

“Ñinnu bee koolaa, ŋa m fansuŋ sanoolu niŋ kodiforoolu dii le ka Batudulaa loo Yaawe n na Alla ye, kaatu ŋa kanoo soto a Batudulaa ye le.

1 Taarika 29:5

aniŋ bulukalaŋ dookuulaalu be sanoo aniŋ kodiforo feŋolu mennu dookuu la. Bituŋ saayiŋ, jumaa le be jee meŋ ye hamoo soto ka diiri ke Yaawe la dookuwo to?”

4 Musa 7:85

Ñiŋ kodiforo booloolu kiliŋ-wo-kiliŋ, a la kuliyaa taata kaañaŋ kilo kiliŋ ne fee aniŋ talantee, bituŋ kodiforo keraŋolu, wolu kiliŋ-wo-kiliŋ na kuliyaa taata kaañaŋ karaamu keme seyi le fee. Kodiforo keraŋolu bee kafoo ñoo ma, ì la kuliyaa taata kaañaŋ kilo muwaŋ niŋ woorowula le fee, aniŋ karaamu keme wooro. Ì peesata niŋ Batudulaa Senuŋo peesariñaa le la.

1 Taarika 1:23

Ofiri, Hawila aniŋ Yobabu. Ñinnu bee mu Yokitani koomalankoolu le ti.