1 Taarika 29:11 - Mandinka Bible

¹¹ Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

1 Taarika 29:11 ပူးပေါင်းရင်းမြစ်များ

Hiburunkoolu 1:3

Alla la kallankeeyaa* ka je a Dinkewo le kono, a ye Alla mankutoo soto le, aduŋ a ka alihawaa taamandi ka bo niŋ a la kuma sembemaa le la. A la hadamadiŋolu seneyandiri koolaa ì la junuboolu to, a ye a la siidulaa taa Alla Mansa Tallaa bulubaa karoo la, Arijana kono.

1 Timoti 1:17

Jayiroo be badaa-badaa Mansoo le ye, meŋ buka faa, aduŋ moo buka a je. Horomoo niŋ jayiroo be ate Alla kiliŋo le ye fo abadaa. Amiin.

Yuuda 1:25

Jayiroo be ate le ye, meŋ dammaa mu Alla ti, aniŋ ǹ na Kiisandirilaa. Jayiroo be ate le ye, ka bo niŋ Yeesu Kiristu la, m̀ Maarii. Semboo niŋ waroo, mansayaa, maraloo niŋ kantiiyaa bee be ate le ye, janniŋ duniyaa daa waatoo la, ka naa bula saayiŋ na, fo abadaa. Amiin.

Yesaya 12:4

Wo luŋo la, ali be a fo la le ko: “Ali tenturoo dii Yaawe la, ali ye a batu a too la. Ali a fo bankoolu bee ye, a ye kuwolu mennu ke, ali ye a kankulaa ko, a too kuliyaata le.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Yeremiya 27:5

Nte Yaawe le ye duniyaa daa ka bo niŋ n sembe baa la, aniŋ m bulu sembemaa la, ka taa hadamadiŋolu niŋ daafeŋolu mennu bee be a kono. Moo-wo-moo diyaata n ye, n ka a duŋ wo le bulu.

Jabuuroolu 46:10

“Ali si tenkuŋ, ka a loŋ ko nte le mu Alla ti! N too be wara la bankoolu bee kaŋ ne. N too be wara la duniyaa bee kono le.”

Daniyeli 4:3

Alla la taamanseeroolu warata le, a la kaawakuwolu ka a la sembe baa le yitandi. A la mansabaayaa be tu la le fo abadaa, aduŋ a la noo le be tu la jamaanoolu bee la.

Lankenemoo 19:1

Ñiŋ kuwolu koolaa, ŋa maakaŋo moyi, meŋ ka munta ko kafu baa Arijana kono. Ì be sari kaŋ santo ko: “Haleluyaa! Kiisoo, kallankeeyaa* aniŋ semboo, bee mu ǹ na Alla le taa ti.

1 Musa 1:1

Foloo-foloo Alla ye saŋo aniŋ bankoo daa.

Jabuuroolu 99:1

Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.

Jabuuroolu 145:1

Alla, n na Mansa, m be i la waroo suukuu la le, ŋa i tentu i too la fo abadaa.

Yesaya 66:1

Yaawe* ye ñiŋ ne fo ko: “Arijana le mu n na mansasiiraŋo ti, duniyaa mu n siŋ looraŋo ti. Ali be buŋo meŋ loo la n ye, a be ke la muŋ buŋ siifaa le ti? N na dahaa dulaa be ke la muŋ dulaa siifaa le ti?”

Jabuuroolu 29:4

Yaawe kumakaŋo semboo warata le, a warata, aduŋ a kaawakuuyaata.

Jabuuroolu 21:13

Yaawe, jayiroo be i ye i la bambaŋo kaŋ. M̀ be suukuwo laa la le ka i jayi i semboo kaŋ.

Yesaya 42:5

Yaawe Alla ye saŋ fatoolu daa le, a ye ì wanka, a ye bankoo daa aniŋ a konokono feŋolu bee. Ate le fanaa ye niyo ke duniyaa moolu la, aniŋ ka baluwo dii ì la fo ì si tara noo ñiŋ duniyaa kono. A ye ñiŋ ne fo a la dookuulaa ye ko:

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Yuuba 37:22

Alla la malamaloo ka finti naŋ bankoo maraa kara maafaŋo la le komeŋ sanoo. A la mansabaayaa meŋ ye a muruŋ-muruŋ, silaŋñaa warata le.

Jabuuroolu 104:1

Nte niyo be Yaawe* jayi la le. Hee Yaawe n na Alla, ite warata baake le. I ye horomoo niŋ waroo duŋ ne ko dendikoo.

Jabuuroolu 98:1

Ali suukuu kutoo laa Yaawe* ye, a ye kaawakuu baalu le ke. A ye nooroo ke a faŋo birisoo le la, aniŋ a sembe senuŋo.

Jabuuroolu 97:9

Yaawe, ite le mu maralilaa baa ti duniyaa kunto. Ite warabaata le ka tambi alloolu bee la.

Jabuuroolu 57:11

Kooni Alla, i la horomoo faramansandi saŋ fatoolu kaŋ, i ye duniyaa bee fandi i la semboo niŋ waroo la.

Jabuuroolu 57:5

Kooni Alla, i la horomoo faramansandi saŋ fatoolu kono, i ye duniyaa bee fandi i la semboo niŋ waroo la.

1 Samuweli 15:29

Alla meŋ mu Banisirayila la waroo niŋ horomoo ti buka faniyaa fo, waraŋ ka a hakiloo faliŋ, kaatu a maŋ ke hadamadiŋo ti. A ye meŋ londi, a buka wo baayi.”

Jabuuroolu 47:9

Banku koteŋolu maralilaalu kafuta Alla la moolu ma, m̀ mumu Iburayima ye Alla meŋ batu. Alla le mu Mansa warariŋ baa ti, ate le marata sembemaalu ma.

Nehemiya 9:5

Bituŋ Lewi lasiloo moolu mennu keta Yesuwa ti, Kadimiyeli, Bani, Hasabuneya, Serebiya, Hodiya, Sebaniya, aniŋ Petahiya ko: “Ali wuli ka Yaawe, ali la Alla tentu, badaa-badaa Alla. Ali tentoo dii a too buuñaariŋo la, tenturoo niŋ jayiroo te a la waroo daŋo fo noo la ñaa-wo-ñaa.”

1 Musa 14:22

Bari Iburama ko Sodomu mansakewo ye le ko, “Nte ye n kali Yaawe* le ye, Alla Mansa Tallaa, saŋo niŋ bankoo Daamansoo,

1 Musa 14:19

A ye neemoo daani a ye, a ko, “Allamaa Alla Mansa Tallaa ye neema Iburama ma, saŋo niŋ bankoo Daamansoo.

Daniyeli 4:32

Ì be i bayi la le ka bo hadamadiŋ kontoo kono, aduŋ i niŋ daafeŋolu le be tara la ñoo kaŋ. I be ñaamoo ñimi la le ko ninsoo, fo sanji woorowula. Niŋ wo keta, i be a loŋ na le ko, Alla Mansa Tallaa le marata hadamadiŋolu la mansamarali bankoolu ma, aduŋ moo-wo-moo diyaata a ye, a ka a dii wo le la.”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

1 Taarika 29:10

Wo kamma la Dawuda ye Yaawe jayi jamaa bee ñaatiliŋo la, a ko: “Yaawe, m̀ mumu Isirayila la Alla, jayiroo be i ye fo abadaa.

2 Taarika 20:6

A ko: “Hee Yaawe, m̀ mumuñolu la Alla, fo ite le maŋ ke Alla ti, meŋ be Arijana kono? Fo ite le maŋ mara ñiŋ duniyaa bankoolu bee ma? Semboo niŋ waroo bee be ite le bulu, moo te i loo noo la i fee.

Jabuuroolu 89:11

Saŋ fatoolu mu i taa le ti, aniŋ bankoo fanaa. Ite le ye duniyaa daa, aniŋ feŋolu mennu bee be a kono.

Daniyeli 2:20

“Tentoo be Alla ye fo abadaa, meŋ taa mu ñaameŋo niŋ semboo ti.

Yosuwa 3:11

Ali a juubee, duniyaa bee Maariyo la Kambeŋ Kunewo be taa ali ñaato le Yoridani Boloŋo kono.

Yosuwa 3:13

Yaawe le mu duniyaa bee Maarii ti. Niŋ piriisoolu mennu ka a la Kambeŋ Kunewo samba, ye ì siŋo bula Yoridani Boloŋ jiyo kono doroŋ, jiyo la boroo be loo la le. A ye kafu ñoo ma dulaa kiliŋ, a samasimmaa ye loo.”

Jabuuroolu 10:16

Yaawe le mu Mansoo ti fo fawu. Bantala banku* moolu be turutumbuŋ na a la bankoo kaŋ ne.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Jabuuroolu 103:19

Yaawe ye a la mansasiiraŋo londi Arijana kono le, aduŋ ate le mu daafeŋolu bee la Mansa ti.

Jabuuroolu 145:6

Moolu be a saata la le, i la kaawakuu baalu silaŋo warata ñaameŋ, nte be i la waroo kankulaa la le.