1 Taarika 28:5 - Mandinka Bible

⁵ “A ye n harijee dinkee jamaa le la, aduŋ wolu kono, a ye Sulemani le tomboŋ ka Banisirayila mara, a faŋo la moolu.

1 Taarika 28:5 ပူးပေါင်းရင်းမြစ်များ

1 Mansoolu 1:13

Taa Mansa Dawuda yaa, aduŋ i si a fo a ye ko, ‘M maarii mansa, fo i maŋ kali nte ye, i la dookuulaa ko n dinkewo Sulemani le be sii la i noo to ka ke mansa ti? Wo to a keta noo ñaadii le saayiŋ Adoniya keta mansa ti?’ ”

1 Mansoolu 1:20

M maarii mansa, Banisirayila bee ñaa be looriŋ ite le kaŋ ka a loŋ i bulu jumaa le be sii la mansasiiraŋo kaŋ ite m maarii mansa noo to.

1 Mansoolu 1:30

Ko ŋa n kali i ye nuŋ ñaameŋ Yaawe too la, Banisirayila la Alla, m be a timmandi la le bii. I dinkewo Sulemani le be ke la mansa ti niŋ m bota jee, aduŋ ate le be sii la mansasiiraŋo kaŋ n noo to.”

1 Mansoolu 1:35

Ali si bula a nooma ka muru naŋ. A si duŋ naŋ a ye sii n na mansasiiraŋo kaŋ. Ate le be ke la mansa ti n noo to, kaatu ŋa a tomboŋ ne ka ke maralilaa ti Banisirayila kunna, aniŋ Yahuuda.”

1 Mansoolu 2:15

A ko a ye ko, “I ye a loŋ ne ko, nte le ñanta ke la nuŋ mansa ti, aduŋ Banisirayila moolu bee ye wo le miira. Bari wo maŋ naa ke, n doomaa le naata ke mansa ti, kaatu Yaawe la lafoo mu wo le ti.

1 Mansoolu 8:20

“Yaawe ye laahidoo timmandi le a ye meŋ dii. Ŋa m faamaa Dawuda noo taa le, aduŋ saayiŋ n siita Banisirayila mansasiiraŋo kaŋ ne, komeŋ Yaawe ye a laahidi ñaameŋ, aduŋ ŋa buŋo loo Yaawe tooyaa la le, Banisirayila la Alla.

1 Taarika 17:14

M be a marandi la n na moolu Banisirayilankoolu niŋ ì la bankoo ma le fo fawu, aduŋ a la mansayaa be tu la le fo abadaa.’ ”

1 Taarika 23:1

Kabiriŋ Dawuda kotoota baake, a ye Sulemani a dinkewo le ke mansa ti Banisirayila.

1 Taarika 29:1

Mansa Dawuda ko jamaa moo bee ye ko: “N dinkewo Sulemani le mu, Alla ye meŋ tomboŋ, bari dindiŋo le mu a ti. A maŋ kuwolu kalamuta baake. Ñiŋ dookuwo kummaayaata baake le. A maŋ ke mansasuwo ti, Yaawe Alla la Batudulaa Buŋo* le mu.

1 Taarika 29:23

Bituŋ Sulemani siita a faamaa Dawuda noo to mansasiiraŋo kaŋ, Yaawe ye meŋ londi. A la mansayaa loota ka bambaŋ, aduŋ Banisirayila bee sonta a la mansayaa la le.

1 Taarika 29:28

A beleta kayiroo kono, a kotooriŋ baa, fankoo niŋ buuñaa kono, aduŋ a diŋo Sulemani le seyita a noo to mansayaa la.

2 Taarika 9:8

Tentoo be Yaawe ye i la Alla, meŋ kontaanita i la kuwo la, a ye i sindi a la mansasiiraŋo kaŋ ka maraloo ke a ye. I la Alla ye Banisirayila kanu le, aduŋ a lafita ì londi la le fo abadaa, wo le ye a tinna a ye ite ke mansa ti, fo i si tiliŋo niŋ tooñaa taamandi.”

5 Musa 17:15

Wo to ali si moo londi noo le, Yaawe ali la Alla ye meŋ tomboŋ ka ke mansa ti. Wo maarii ñanta bo la ali faŋolu le kono, a maŋ ñaŋ na ke la tumarankewo ti.