1 Taarika 28:4 - Mandinka Bible

⁴ “Bari hani wo, Banisirayila la Alla ye n tomboŋ n na lasiloo moolu bee kono ka ke Banisirayila la mansa ti fo abadaa. Lasiloolu kono a ye Yahuuda lasiloo le tomboŋ ñaatonkayaa la. Ka bo wolu kono, a ye m faamaa la dimbaayaa le tomboŋ. Wo dimbaayaa kono, a seewoota ka n tomboŋ, ka n ke mansa ti Banisirayila bee kono.

1 Taarika 28:4 ပူးပေါင်းရင်းမြစ်များ

2 Samuweli 5:3

Kabiriŋ Banisirayilankoolu la alifaalu bee naata Mansa Dawuda yaa Heburoni, a niŋ ì ye kambeŋo le siti jee Yaawe ñaatiliŋo la, aduŋ ì ye Dawuda toloo ka a ke Banisirayilankoolu la mansa ti.

1 Taarika 17:23

“Bituŋ saayiŋ Yaawe, i ye laahidoo meŋ taa, a timmandi nte i la dookuulaa niŋ n na dimbaayaa ye fo abadaa, aduŋ i si a ke, ko i ye a fo ñaameŋ.

1 Taarika 17:27

Saayiŋ, a si ke i ye seewoo ti, ka neema ke nte i la dookuulaa la dimbaayaa ye, fo ǹ si tenteŋ ka tara i ñaa koto fo abadaa. Kaatu ite Yaawe neemata meŋ ma, a be neema la le fo abadaa.”

1 Taarika 5:2

Yahuuda le la kuwo wulita ka tambi ì bee la, aduŋ maralilaa bota ate le bala, bari hani wo bee, alifaayaa makaamoo ì la wuluwo to, wo keta Yusufa le taa ti.

2 Taarika 6:6

Bari saayiŋ, ŋa Yerusalaamu tomboŋ ne, n too ye tara jee, aduŋ ŋa Dawuda le tomboŋ ka n na moolu Banisirayilankoolu mara.’ ”

Jabuuroolu 108:8

Kileyadi tundoo mu n taa le ti, Manase fanaa mu n taa le ti, N na kelejawaroolu be bo la Efurayimu* le kono, n na mansoolu ye bo Yahuuda kono.

Jabuuroolu 18:19

A ye m fintindi kene fanuñaa to, a ye n tankandi, kaatu n na kuwo ye a seewoo le.

Jabuuroolu 60:7

Kileyadi tundoo mu n taa le ti, Manase fanaa mu n taa le ti. N na kelejawaroolu be bo la Efurayimu* le kono, n na mansoolu ye bo Yahuuda kono.

Jabuuroolu 89:4

i be kali mansa bondi la a koomalankoolu le kono fo abadaa, aduŋ i be a la mansasiiraŋo londi la jamaanoolu bee le la. S

Hiburunkoolu 7:14

A koyita le ko, m̀ Maariyo bota Yahuuda lasiloo le kono, aduŋ Musa nene maŋ feŋ fo ñiŋ lasiloo la kuwo to, biriŋ a diyaamuta piriisiyaa la kuwo la.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”

1 Samuweli 26:1

Sifunkoolu taata Sawulu yaa Kibeya, aduŋ ì ko a ye ko, “Dawuda be maaboriŋ Hakila konkoo le kaŋ, meŋ ye a ñaa tiliŋ Yesimoni la.”