1 Taarika 27:29 - Mandinka Bible

²⁹ Sitirayi, Saroninkoo le marata koorewolu ma, mennu ka daañiniŋo ke Saroni tundoo kaŋ. Safati, Adulayi dinkewo le marata koorewolu ma, mennu be wulumbaŋolu kono.

1 Taarika 27:29 ပူးပေါင်းရင်းမြစ်များ

1 Taarika 5:16

Ì sabatita Kileyadi niŋ Basani tundoolu kaŋ, ì niŋ ì saatewolu, aniŋ Saroni beeyaŋ daañini dulaalu to ka taa fo ì daŋolu to.

Yesaya 65:10

Saroni tundoo be ke la beeyaŋolu ye daañini dulaa le ti. Akori Wulumbaŋo ye ke ninsi koorewolu la dahaa dulaa ti. Ì be ke la n na moolu le taa ti, mennu ka n ñini.

Kiilaalu 9:35

Moolu mennu bee be sabatiriŋ Lida saatewo kono aniŋ Saroni tundoo kaŋ, biriŋ ì ye a je taamoo la, ì laata Maariyo la.

1 Samuweli 21:7

Saayiŋ Sawulu la dookuulaa doo tarata jee le wo luŋo, kaatu a ñanta diina kuu doo le timmandi la. A too mu Doyeki le ti, Edomunkoo, aduŋ a keta Sawulu la beeyaŋ kantalaa kuntiyo le ti.

1 Taarika 27:30

Obili, Isimayila koomalankoo le marata ñonkomoolu ma. Yeedeya, Meronotinkoo le marata faloolu ma.

5 Musa 1:7

Ali wuli, ali ye daakaa janjaŋ ka tenteŋ ali la taamasiloo la, ali si taa Kanaani bankoo bee kaŋ. Wo le mu Amorinkoolu la konkotundoo* ti, aniŋ a dandanna tundoolu la taariŋ, Araba tundoo, konkotundoo, Sefela* tundoo, Nekefu* tundoo aniŋ baadaa borindoo. Ali si taa fo Libanooni Konkoolu fanaa to, ka taa fo Yufurati Boloŋo to.

2 Taarika 26:10

A ye tata jaŋolu loo kene kenseŋo kono, a ye koloŋ jamaa siŋ jee, kaatu a ye beeyaŋ kooree jamaa le soto, Sefela* konkotundoo* niŋ kene fanuŋo kono. A ye senelaalu soto le, aniŋ moolu mennu ka wayini* yiroolu topatoo konkoolu to aniŋ senebanku kendoolu to. Kaatu senoo diyaata a ye le.

Kawandilaa 2:7

Ŋa jonkewolu niŋ jommusoolu saŋ, ka ì kafu n na joŋolu ma mennu wuluuta n na buŋo kono. Ŋa ninsi koorewo niŋ beeyaŋ meseŋ koorewo meŋ soto, wo le siyaata ka tambi moo-wo-moo taa ti meŋ nene sabatita n ñaa Yerusalaamu.

Yesaya 35:2

A be yiriwaa la le, a ye ñiiñaa, ko firi ñiimaa. A be tara la kontaaniriŋ baake le fo a ka denkiloo laa. A be yiriwaa la le ko Libanooni sutoo be ñaameŋ, a ye tara ñiiñaariŋ ko Karimeli Konkoo aniŋ Saroni kunkoolu. Moolu bee be Yaawe* la mansabaayaa je la le, aniŋ a la kallankeeyaa*.