1 Taarika 27:16 - Mandinka Bible

¹⁶ Ñinnu le mu maralilaalu ti mennu marata Banisirayila lasiloolu moolu ma: Ka bo Rubeni lasiloo kono, Eliyesa Sikiri dinkewo le mu maralilaa ñaatonkoo ti. Ka bo Simeyoni lasiloo kono, Sefatiya Maaka dinkewo le mu.

1 Taarika 27:16 ပူးပေါင်းရင်းမြစ်များ

1 Musa 22:24

A la kaŋ foroyandi musoo*, meŋ too mu Rewuma ti, ye Teba le wuluu a la, Kahamu, Tahasi aniŋ Maaka.

4 Musa 25:14

Banisirayilankoo meŋ niŋ Midiyani musoo faata ñoo la, a too mu Simuri le ti, Salu dinkewo. Salu mu dimbaayaa ñaatonkoo le ti Simeyoni lasiloo kono.

1 Taarika 27:15

Ñaatonka taŋ niŋ fulanjaŋo meŋ marata kari taŋ niŋ fulanjaŋo ma, mu Helidayi le ti, Netofankoo, Otiniyeli koomalankoo. A la kafoo kono, moo wuli muwaŋ niŋ naani le be jee.

1 Taarika 27:17

Ka bo Lewi lasiloo kono, Hasabiya Kemuweli dinkewo le mu. Ka bo Haaruna kaabiiloo kono, Sadoki le mu.

1 Musa 35:22

Kabiriŋ Isirayila be sabatiriŋ wo bankoo kaŋ, Rubeni taata, a niŋ Biliha, a faamaa la kaŋ foroyandi musoo*, kafuta. Bituŋ Isirayila naata wo moyi. Saayiŋ Yaakuba dinkewolu mu dinkee taŋ niŋ fula le ti.

1 Musa 35:23

Leya dinkewolu, wolu le mu Rubeni ti, Yaakuba dinkee foloo, Simeyoni, Lewi, Yahuuda, Isakari, aniŋ Sebuluni.

2 Musa 1:1

Ñinnu le mu Yaakuba dinkewolu toolu ti, Yaakuba, meŋ mu Isirayila ti, mennu niŋ a taata Misira, wolu meŋ-wo-meŋ niŋ a la dimbaayaalu le mu:

4 Musa 1:5

“Ñinnu le mu kewolu toolu ti mennu ñanta ali maakoyi la: “Elisuri, Sedeyuri dinkewo, ka bo Rubeni lasiloo kono.

4 Musa 1:16

Ñinnu le mu kewolu ti mennu tombonta Banisirayila jamaa kono. Itolu le mu lasili kuntiyolu ti, aniŋ wuli kiliŋ kafoolu ñaatonkoo.

1 Taarika 28:1

Dawuda ye yaamaroo dii ka Banisirayila ñaatonkoolu bee bendi Yerusalaamu: lasili ñaatonkoolu, ñaatonkoolu mennu marata mansa la dookuu kafoolu ma, ñaatonkoolu mennu marata wuli kiliŋ kafoolu aniŋ keme kiliŋ kafoolu ma, ñaatonkoolu mennu marata mansa dinkewolu niŋ a la beeyaŋolu ma aniŋ a la sotofeŋ koteŋolu, mansasuwo maralilaalu niŋ kelediŋ ñaatonkoolu aniŋ kelejawaroolu bee.