1 Taarika 26:27 - Mandinka Bible

²⁷ Ì ye feŋolu mennu ñapinkaŋ taa keloo waatoo la, doolu kerekereta le ka Yaawe Batudulaa Buŋo dadaakuu.

1 Taarika 26:27 ပူးပေါင်းရင်းမြစ်များ

2 Mansoolu 12:14

A diita dookuulaalu doroŋ ne la, aduŋ ì ye a ke Yaawe Batudulaa Buŋo dookuwo le kunna.

Yosuwa 6:19

Kodiforoolu bee, sanoolu, jaawali jooraŋolu aniŋ newolu, wolu bee kerekereta Yaawe le ye ka ke a taa ti, aduŋ ì ñanta tara la Yaawe la naafulu maabodulaa le kono.”

1 Taarika 26:26

Selomoti niŋ a baadiŋolu le marata naafulu maabodulaa ma, naafuloo Mansa Dawuda niŋ kaabiila ñaatonkoolu mennu marata wuli kiliŋ kafoolu niŋ keme kiliŋ kafoolu ma, aniŋ kelediŋ ñaatonkoolu ye meŋ bee kerekere Yaawe ye.

1 Taarika 26:28

Selomoti niŋ a baadiŋolu le marata wo soorifeŋolu bee ma, mennu kerekereta Alla Batudulaa Buŋo ye, aniŋ Annabilayi Samuweli fanaa ye mennu samba naŋ, Mansa Sawulu, Kisi dinkewo, ye mennu samba naŋ, Abuna Neri dinkewo ye mennu samba naŋ, aniŋ Yowabu Seruya dinkewo ye mennu samba naŋ.

2 Samuweli 8:11

Mansa Dawuda ye ñiŋ soorifeŋolu kerekere Yaawe la dookuwo ye, ì niŋ sanoo niŋ kodiforoo, a ye mennu bondi naŋ banku koteŋolu to, a ye mennu noo keloo la:

1 Taarika 18:11

Dawuda ye ñiŋ soorifeŋolu kerekere Yaawe la dookuwo ye, aniŋ sanoo niŋ kodiforoo, a ye mennu bondi naŋ Edomunkoolu, Mowabinkoolu, Ammoninkoolu, Filisitinkoolu aniŋ Amalekinkoolu la bankoolu kaŋ.

2 Taarika 5:1

Mansa Sulemani ye dookuwo bee baŋ, a be meŋ ke kaŋ Yaawe Batudulaa Buŋo* to, a ye feŋolu samba naŋ konoto, a faamaa Dawuda ye mennu kerekere Yaawe ye, a ye ì maabo. Wo le keta kodiforoo ti, sanoo, aniŋ jooraŋ koteŋolu, a ye ì ke Yaawe Batudulaa Buŋo maaboridulaa kono.