1 Taarika 22:19 - Mandinka Bible

¹⁹ Wo to ali Yaawe ali la Alla muta kendeke ka bo niŋ ali sondomoo niŋ ali niyo bee la, ali ye a dati ka Batudulaa Buŋo loo ka Yaawe Alla too kuliyaa, fo ali si Yaawe la Kambeŋ Kunewo* dundi jee, aniŋ jooraŋ senuŋ koteŋolu.”

1 Taarika 22:19 ပူးပေါင်းရင်းမြစ်များ

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

5 Musa 4:29

Bari hani wo dulaa to, ali be Yaawe ali la Alla ñini la jee le ali sondomoo bee la aniŋ ali niyo bee la, aduŋ ali be a je la le.

1 Taarika 16:11

Ali ñinindiri ke Yaawe la, a niŋ a la semboo, ali a ñini ka tara a ñaatiliŋo la waati-wo-waati.

Jabuuroolu 27:4

Kuu kiliŋ ŋa Yaawe daani wo le la, aduŋ m be wo le ñiniŋ kaŋ, ka tara sabatiriŋ a batudulaa buŋo kono m baluu tiloolu bee la, ka a la kallankeeyaa* fele, aniŋ ka bankeeroo ñiniŋ a batudulaa.

1 Taarika 22:7

Dawuda ko Sulemani ye ko, “N diŋo, ŋa a hame le ka buŋo loo ka Yaawe n na Alla too kuliyaa.

2 Taarika 5:7

Bituŋ piriisoolu ye Yaawe la Kambeŋ Kunewo samba naŋ a loodulaa to konoto buŋo to, daameŋ mu Dulaa Senuŋ Baa* ti, Alla Batudulaa Buŋo kono, ì ye a londi kerubu malaayikoolu* dampaŋolu koto.

1 Mansoolu 8:6

Wo to le piriisoolu ye Yaawe la Kambeŋ Kunewo samba naŋ a loodulaa to konoto buŋo to, daameŋ mu Dulaa Senuŋ Baa* ti, Alla Batudulaa Buŋo* kono, ì ye a londi kerubu malaayikoolu* dampaŋolu koto.

1 Mansoolu 8:21

Ŋa dulaa ke Kambeŋ Kunewo ye jee le, Kambeŋ Kunewo, berewalaa fula be meŋ kono. Ñinnu ka kambeŋo la kuwo le seedeyaa, Yaawe ye meŋ siti a niŋ m̀ mumuñolu teema, kabiriŋ a ye ì bondi naŋ Misira bankoo kaŋ.”

Kiilaalu 22:16

Saayiŋ, i ka muŋ ne batu? Wuli, ì ye batisee*! I la junuboolu si kuu ka bo niŋ Maariyo too kumandoo la.’

2 Taarika 6:11

Ŋa Kambeŋ Kunewo* ke jee, berewalaa fula be meŋ kono. Ñinnu ka kambeŋo la kuwo le seedeyaa, Yaawe ye meŋ siti a niŋ Banisirayilankoolu teema.”

2 Taarika 20:3

Bituŋ silaŋo dunta Yehosafati la, a duwaata ka Yaawe ñininkaa, a ñanta meŋ ke la, aduŋ a ye yaamaroo dii ko, Yahuuda bankoo bee ye suŋ.

1 Mansoolu 5:3

“I ye a loŋ ne ko m faamaa Dawuda maŋ buŋo loo noo Yaawe* a la Alla tooyaa la, kaatu a jawoolu ye a murubeŋ keloo le la, fo Yaawe naata a jawoolu duŋ a buloo kono.

Kiilaalu 11:23

Biriŋ a naata, a ye Alla la hiinoo je, a seewoota. Bituŋ a ye ì bee yaamari ka tu tilindiŋ Maariyo ye ì sondomoolu bee la.

Hakayi 1:5

Saayiŋ Yaawe Alihawaa Maariyo ye ñiŋ ne fo ko, “Ali i miira ali maañaa la.

Daniyeli 9:3

Bituŋ ŋa n ñaa tiliŋ duwaa la, aniŋ suŋo, ka Maariyo Alla daani. Ŋa booto funtoolu le duŋ, ŋa seebuutoo maa m faŋ na, ka n na niikuyaa yitandi.

Yesaya 60:1

Siyoni*, wuli fo i si malamala, kaatu i la maloo naata le, aduŋ Yaawe* la kallankeeyaa* be mala la i kaŋ ne ko tiloo.

1 Taarika 22:16

sako mennu ye kodiforoo, sanoo, jaawaloo niŋ nee dookuwo noo. Saayiŋ i paree, i ye dookuwo ñiŋ dati. Allamaa Yaawe ye tara i fee.”

Jabuuroolu 14:2

Yaawe* ka hadamadiŋolu juubee naŋ duuma le ka bo Arijana, ka a je fo moolu be jee le mennu ñaamenta, mennu ka a ñini.

Yeremiya 29:13

Ali be n ñini la le, ali ye n je. Niŋ ali ye n ñini ali sondomoo bee la,

2 Musa 25:8

Bituŋ i si a fo ì ye, ì ye Tiriliisi Senuŋo* loo n ye, m be sabati la ì fee daameŋ.

1 Taarika 16:10

Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

Jabuuroolu 119:2

Barakoo be moolu le ye, mennu ka a la kumakaŋolu muta, mennu ka ate ñini niŋ ì sondomoo bee la,

Hakayi 1:8

Ali wuli ali ye taa konkoolu santo, ali ye babaroo ñini naŋ, ka Batudulaa Buŋo seyinkaŋ loo. Niŋ wo keta, a si ke n ye horomoo ti, aduŋ m be seewoo la le.” Yaawe le ye a fo.