1 Taarika 22:13 - Mandinka Bible

¹³ Niŋ i ye yaamaroolu niŋ luwaalu bee muta, Yaawe ye mennu dii Banisirayilankoolu la, ka bo niŋ Musa la, i be kututeyi noo la le. I si fatiyaa, i ye bambaŋ, kana sila, kana jikilateyi.

1 Taarika 22:13 ပူးပေါင်းရင်းမြစ်များ

1 Taarika 28:20

Bituŋ Dawuda ko a diŋo Sulemani ye ko, “Loo i ye bambaŋ, i ye wakiili ka ñiŋ dookuwo ke. Kana sila sako i si jikilateyi, kaatu Yaawe Alla, n na Alla, be i fee le. A nene te i bula la, a be tara la i fee le, fo i ye ñiŋ dookuwo bee baŋ, a la Batudulaa Buŋo to.

1 Taarika 28:7

M be a la mansayaa bambandi la le fo abadaa, niŋ a tententa ka n na yaamaroolu niŋ luwaalu muta, ko a ka a ke ñaameŋ saayiŋ.’

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

1 Mansoolu 2:3

aniŋ i ye taama Yaawe* i la Alla la siloolu la. I si a la karandiroolu niŋ yaamaroolu muta, aniŋ a la kumoolu niŋ luwaalu, ko a be safeeriŋ Musa la Luwaa* kono ñaameŋ, ñiŋ kamma la i taata daa-wo-daa, i si yiriwaa soto kuu-wo-kuu to i be meŋ ke la.

Yankuba 2:8

Niŋ ali ka Alla la mansabaayaa luwaa muta a ñaama, ko a yaamaroo be safeeriŋ ñaameŋ ko, “I si i siiñoo kanu ko i faŋo,” wo to ali be kuu betoo le ke kaŋ.

2 Timoti 2:1

Wo to ite n dinkewo, loo bambandinke hiinoo kaŋ, meŋ be Kiristu* Yeesu kono.

Kalatiyankoolu 6:2

Ali ñoo la dunoo taa fo ali si Kiristu* la luwaa timmandi.

Jabuuroolu 119:6

Niŋ ŋa n lamoyi i la yaamaroolu bee la, wo to n te bula la maloo kono.

1 Taarika 28:10

A loŋ ko, Yaawe ye ite le tomboŋ ka a la Batudulaa Buŋo* loo. Saayiŋ i si i paree, i ye wakiili ka a loo.”

1 Korintinkoolu 16:13

Ali koroosiroo ke, ali loo bambandinke ali la lannoo kono. Ali si fatiyaa, aniŋ ali ye bambaŋ!

Kiilaalu 13:22

Biriŋ Alla ye Sawulu bondi, a ye Dawuda wulindi ì ye ka ke ì la mansa ti. Alla ye seedeyaa ke a la kuwo to le ko, ‘Ŋa Dawuda je le, Yese dinkewo, n lafita meŋ daajikoo la n sondomoo bee la. Feŋ-wo-feŋ diyaata n ye, a be wo le ke la.’

Matiyu 3:15

Bari Yeesu ye a jaabi ko, “A ke n ye saayiŋ. A beteyaata ntolu to le ka Alla la lafoo bee ke a ñaama.” Wo to le a naata soŋ.

2 Taarika 20:20

Bituŋ ì wulita wo saamoo soomandaa juunoo ka taa Tekowa keñewuloo kono. Kabiriŋ ì pareeta ka taa, Yehosafati loota, a ko, “Yerusalaamunkoolu niŋ Yahuuda moo toomaalu, ali i lamoyi, niŋ ali laata Yaawe la, ali la Alla, ali be bambaŋ na le. Niŋ ali laata a la annabiyomoolu la, ali be nooroo ke la le.”

Yosuwa 1:18

I be naa kumoo meŋ bee fo la ǹ ye, moo-wo-moo maŋ a kuliyaa, a ye a soosoo, m̀ be a maarii faa la le. I si fatiyaa, i ye bambaŋ!”

2 Taarika 32:7

“Ali fatiyaa, ali ye bambaŋ. Asiriya mansa niŋ a la ñiŋ kafu baa kana ali sila, sako ka ali jikilateyindi, kaatu meŋ be ntolu fee, wo le semboo warata ka tambi meŋ be ate fee.

Jabuuroolu 72:1

Hee Alla, i la kiitiiteyoo yitandi mansa la, i ye i faŋo la tiliŋo duŋ mansariŋo to.

Hakayi 2:4

Bari saayiŋ Yaawe ye ñiŋ ne fo ko, “Hani wo de, i si wakiili, ite Serubabeli. Ite Yosuwa fanaa si wakiili, ite meŋ mu piriisi kuntiyo ti. Alitolu bankoo moolu bee fanaa si wakiili.” Yaawe Alihawaa Maariyo* le ye ñiŋ fo ko, “Ali dookuwo ke, kaatu m be tara la ali fee le.

Jakariya 8:9

Yaawe Alihawaa Maariyo ye ñiŋ ne fo ko: Ali ali tewolu siti kendeke, alitolu mennu be kumoolu moyi kaŋ teŋ, annabiyomoolu ye mennu fo nuŋ, biriŋ fondamaŋo be laa kaŋ, ka Yaawe Alihawaa Maariyo Batudulaa Buŋo* lookuu.

1 Mansoolu 2:2

“Saayiŋ waatoo sutiyaata nte la le. I si fatiyaa, aduŋ i ye bambaŋ,

2 Taarika 14:6

A ye saatee baalu tata Yahuuda tuma meŋ, bankoo ñiŋ be kayiroo le kono. Moo niŋ a maŋ tara keloo la wo saŋolu kono, kaatu Yaawe le ye dahaa dii a la.

2 Taarika 26:5

A tarata sondiŋ Alla ma le Jakariya baluu tiloo la, meŋ ka a yaamari ka sila Alla la. A tarata sondiŋ Yaawe Alla ma waatoo meŋ bee la, a ye ñaatotaa dii a la le.

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.