1 Taarika 22:12 - Mandinka Bible

¹² Allamaa Yaawe i la Alla ye ñaameŋo niŋ kalamutaroo dii i la, fo i si Banisirayila mara kuu ka bo niŋ a la yaamaroolu la.

1 Taarika 22:12 ပူးပေါင်းရင်းမြစ်များ

1 Mansoolu 2:3

aniŋ i ye taama Yaawe* i la Alla la siloolu la. I si a la karandiroolu niŋ yaamaroolu muta, aniŋ a la kumoolu niŋ luwaalu, ko a be safeeriŋ Musa la Luwaa* kono ñaameŋ, ñiŋ kamma la i taata daa-wo-daa, i si yiriwaa soto kuu-wo-kuu to i be meŋ ke la.

2 Taarika 1:10

Wo to ñaameŋo niŋ fahaamuroo dii n na, i la dookuulaa, ka i la moolu ñaatonkayaa, kaatu niŋ wo nte, jumaa le si i la ñiŋ moo jamaalu mara noo?”

Jabuuroolu 119:34

M maakoyi ka i la karandiroo fahaamu kendeke, fo n si a muta noo, aniŋ ka a taamandi niŋ n sondomoo bee la.

Jabuuroolu 72:1

Hee Alla, i la kiitiiteyoo yitandi mansa la, i ye i faŋo la tiliŋo duŋ mansariŋo to.

Kuma Kotoomaalu 14:8

Hakilidiimaa la ñaameŋo, wo le ka a so miiroolu la a taañaa to, bari toolewo la kuntaŋyaa maañaa le ka a filindi.

Luka 21:15

Kaatu m be kumoolu niŋ ñaameŋo dii la ali la le, fo hani ali jawu kiliŋ te balaŋ noo la ali ma, waraŋ ka ali soosoo.

5 Musa 4:6

Niŋ ali ye luwaalu muta kuuke, ali taamata ì la, wo le be ali la ñaameŋo niŋ fahaamuroo yitandi la banku koteŋo moolu la. Niŋ ì ye ñiŋ luwaalu moyi, ì be a fo la le ko, “Tooñaa, ñiŋ banku sembemaa le ye ñaameŋo niŋ fahaamuroo soto!”

Yankuba 1:5

Niŋ moo dasata ñaameŋo la ali kono, wo maarii si Alla daani, aduŋ a be ñaameŋo dii la a la le. Ate le ka diiroo ke moolu bee la a ñaama, jalayiribaliyaa kono.

1 Yohana 2:3

Niŋ ŋà a la yaamaroolu muta, wo to ǹ dankeneyaata le ko, ŋà ate loŋ ne.