1 Taarika 18:13 - Mandinka Bible

¹³ A ye daakaalu loo Edomu, aduŋ Edomunkoolu bee naata ì faŋ seyi Dawuda ma. Dawuda taata daa-wo-daa, Yaawe ka a ke le, a ye kañee.

1 Taarika 18:13 ပူးပေါင်းရင်းမြစ်များ

1 Taarika 18:6

A ye daakaalu loo Damasiku, aduŋ Aramunkoolu ye ì faŋ seyi a ma, ì ka naamoo joo a yaa. Dawuda taata daa-wo-daa, Yaawe ka a ke le, a ye kañee.

1 Musa 27:37

Isiyaaka ko Esawu ye ko, “Ŋa a ke i maralaa ti le fokabaŋ, aduŋ ŋa a baadiŋolu bee dii a la le, ka ke a la dookuulaalu ti. Aduŋ fiifeŋolu aniŋ wayinoo, ŋa wolu fanaa dii a la le. N dinkewo, nte si muŋ ne ke noo ite ye kotenke?”

2 Korintinkoolu 11:32

Kewo meŋ tarata maraloo la Damasiku saatewo kono Mansa Aretas la kaŋo koto, a ye Damasiku saatewo kanta le nuŋ, fo a si nte muta.

Jabuuroolu 144:10

Ite le ka nooroo dii mansoolu la, aduŋ ite le ye Dawuda tankandi, i la dookuulaa.

Jabuuroolu 121:7

Yaawe be i tankandi la kuu jawoo bee ma le, a be i niyo kanta la le.

2 Samuweli 23:14

Wo waatoo Dawuda tarata tatoo le kono, aduŋ Filisitinkoolu la daakaa tarata Betilehemu le.

1 Samuweli 14:1

Luŋ kiliŋ, Yonatani Sawulu dinkewo ko fondinkewo meŋ ka a la kelejooraŋolu samba ye ko, “Ŋà taa kara doo la Filisitinkoolu la daakaa to.” Bari Yonatani maŋ a fo a faamaa ye. Aduŋ moo maŋ a kalamuta ko, a taata le. Saayiŋ, Sawulu daakaata roomaani* suŋo le koto meŋ be Mikironi, a maŋ jamfa Kibeya la. Sawulu niŋ kee keme wooro le tarata nuŋ jee. Aduŋ piriisoo* Ahiya fanaa be nuŋ jee le, efodoo* be a bulu. Ahiya le keta Ikabodi kotoo keebaa Ahitubu dinkewo ti. Ahitubu le keta Pineha dinkewo ti, Pineha le keta Eli dinkewo ti, Yaawe* la piriisoo, meŋ be nuŋ Silo saatewo to.

1 Samuweli 13:3

Yonatani niŋ a la moolu ye Filisitinkoolu la daakaa meŋ be Keba boyinkaŋ ne, aduŋ Filisitinkoolu bee ye a kuwo kalamuta le. Bituŋ Sawulu ye kiilaalu kii ka Hiburunkoolu* kumandi keloo la. Ì ye saakotoŋ binoo* le fee bankoo bee kaŋ.

1 Samuweli 10:5

“Niŋ wo bota a la, i be taa Kibeya le, Alla batudulaa be daameŋ aniŋ Filisitinkoolu la kelediŋolu la daakaa dulaa. Janniŋ i ka futa saatewo la, i niŋ Alla la annabiyomu jamaa le be beŋ na, ì ka bo naŋ batudulaa to, ì niŋ kontiŋo, tambuuroo, footaŋo aniŋ kooraa, ì be ì kosi kaŋ. Ì be tara la Alla batoo kaŋ ne ko moolu mennu te ì faŋ bulu.

4 Musa 24:18

A be a jawoo Edomu noo la le, aduŋ a be ì la bankoo taa la le. Bari Banisirayila, wo be bambaŋ kuu la le.

1 Musa 27:40

I be baluu la niŋ hawusaroo* le la. I be ke la i doomaa ye dookuulaa le ti. Bari niŋ i keta balannaa ti a bulu, i be bo la a la maroo kono le.”

1 Musa 27:29

Allamaa lasili koteŋolu ke la i la dookuulaalu ti. Allamaa moo koteŋolu ye ke i buuñaalaalu ti. Allamaa i ke la i baadiŋolu maralaa ti, aniŋ Allamaa ì ke la i buuñaalaalu ti. Dankoo ye tara moo-wo-moo ye, meŋ ye i danka, aniŋ neemoo ye tara moo-wo-moo ye, meŋ ye neemoo daani i ye.”

1 Musa 25:23

Yaawe ko a ye ko, “Lasili fula le be i wuluuñaŋo kono. Ñiŋ lasili fuloo be ke la balannaa le ti ñoo ma. Doo le semboo be wara la doo ti. Keebaamaa le be ke la dindimmaa ye dookuulaa ti.”

1 Mansoolu 11:15

Koomanto kabiriŋ Dawuda tarata Edomu kele kaŋ nuŋ, kelediŋ kuntiyo Yowabu, meŋ taata ka furewolu baadee, ye kewolu bee faa le mennu tarata Edomu.

1 Taarika 18:12

Abisayi, Seruya dinkewo, ye Edomunka moo wuli taŋ niŋ seyi le faa Koo Wulumbaŋo kono.

1 Taarika 18:14

Dawuda ye Banisirayila bee mara tiliŋo kono, aduŋ a ye moolu bee kaañandi a la maraloo koto le.

1 Samuweli 18:14

aduŋ a ye feŋ-wo-feŋ ke a ka kututeyi wo to le, kaatu Yaawe be a fee le.