1 Taarika 16:38 - Mandinka Bible

³⁸ aniŋ Obedi-Edomu niŋ a mooñoolu, ì moo taŋ wooro niŋ seyi. Wo ye a tara Obedi-Edomu, Yedutuni dinkewo aniŋ Hosa le be marariŋ dundaŋ daalu kantoo ma.

1 Taarika 16:38 ပူးပေါင်းရင်းမြစ်များ

1 Taarika 26:10

Ka bo Merari kaabiiloo kono, Hosa ye dinkee naani le soto, wolu le mu Simuri ti, a faamaa ye a ke dimbaayaa ñaatonkoo ti, a maŋ ke diŋ foloo ti ñaa-wo-ñaa,

1 Taarika 13:14

Yaawe la Kambeŋ Kunewo tarata Obedi-Edomu la suwo kono le fo kari saba, aduŋ Yaawe neemata a ma, a niŋ a la suukononkoolu bee.

1 Taarika 25:3

Yedutuni dinkewolu: Kedaliya, Seri, Yesaya, Simeyi, Hasabiya aniŋ Matitiya. Ì dinkee wooro bee be ì faamaa Yedutuni la yaamaroo le koto, aduŋ ate le ka Alla la kiilaariyaa kumoolu fo niŋ kooraa la, aniŋ ka jayiroo niŋ tenturu suukuwo laa Yaawe* ye.

2 Samuweli 6:10

A maŋ naa paree ka Yaawe la Kambeŋ Kunewo samba, a niŋ a ye sabati ñoo kaŋ Yerusalaamu. Wo kamma la a ye a samba Obedi-Edomu Kitinkoo la suwo kono.

2 Mansoolu 7:10

Wo to le ì muruta, ì ye Samariya saatee dundaŋ daa kantalaalu kumandi. Ì ko ì ye ko, “Ntolu taata Aramunkoolu la daakaa to le, aduŋ moo te jee. Hani moo diyaamukaŋo le buka moyi jee niŋ a maŋ ke suwoolu niŋ faloolu ti mennu be sitiriŋ, aniŋ tiriliisoolu mennu tuta looriŋ ì ñaama.”