1 Taarika 16:32 - Mandinka Bible

³² Fankaasoo ye bumbuŋ, aniŋ feŋolu mennu bee be a kono. Kunkoolu ye seewoo, ì niŋ ì fiifeŋolu.

1 Taarika 16:32 ပူးပေါင်းရင်းမြစ်များ

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Jabuuroolu 93:4

Bari Yaawe, ite le semboo warata, ka tambi jiibaliŋolu kumakaŋo la. Ite le semboo warata jiibaliŋolu ti.

1 Taarika 16:33

Wulakono yiroolu be wuuri la le, seewoo kamma la, ka suukuwo laa Yaawe ye, kaatu a be naa le, ka duniyaa kiitindi.

Yesaya 42:10

Alitolu mennu ka taama niŋ baa la, aniŋ a konokono feŋolu bee, alitolu banku jamfariŋolu, aniŋ mennu be sabatiriŋ jee, ali suukuu kutoo laa Yaawe ye, a la jayiroo ye bo naŋ duniyaa daŋo bee to.

Jabuuroolu 69:35

Alla be Siyoni* kiisa la le, aduŋ a be Yahuuda saatewolu seyinkaŋ loo la le. A la moolu be sii la jee le, a ye ke ì taa ti.

Jabuuroolu 96:11

Saŋ fatoolu ye seewoo, bankoo ye kontaani. Fankaasoo ye bumbuŋ, aniŋ feŋolu mennu bee be a kono.