1 Taarika 16:31 - Mandinka Bible

³¹ Saŋ fatoolu ye seewoo, bankoo ye kontaani. Ì ye a kankulaa duniyaa moolu kono ko, “Yaawe le mu Mansoo ti.”

1 Taarika 16:31 ပူးပေါင်းရင်းမြစ်များ

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Lankenemoo 19:6

N naata kumakaŋo moyi, meŋ ka munta ko kafu baa, a maakaŋo be ko jiibaliŋ baalu niŋ saŋ feteŋolu. Ì be sari kaŋ santo ko: “Haleluyaa! Maariyo be maraloo kaŋ ne, ǹ na Alla Mansa Tallaa.

Jabuuroolu 99:1

Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Jabuuroolu 98:4

Duniyaa moolu bee, ali seewooriŋ baa ye suukuwo laa ka Yaawe jayi, ali seewooriŋo ye wutu suukuwo ti ka a jayi.

Luka 15:10

“Ŋa a fo ali ye, wo ñaa kiliŋo la seewoo be Alla la malaayikoolu fee le junubelaa kiliŋ na tuuboo la.”

Luka 2:10

Wo to le malaayikoo ko ì ye ko, “Ali kana sila! A fele, ŋa kibaari betoo le samba naŋ ali ye, meŋ be ke la seewoo kuu baa ti moolu bee ye.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Jabuuroolu 145:1

Alla, n na Mansa, m be i la waroo suukuu la le, ŋa i tentu i too la fo abadaa.

Jabuuroolu 89:5

Yaawe, Arijana bee ka i jayi i la kaawakuwolu kaŋ ne. I la malaayika kafoo le ka i la tiliŋo laa suukuwo ti.

Jabuuroolu 19:1

Saŋ fatoolu ka Alla la kallankeeyaa* bankee le, minaayoolu ka a buloo la daaroo kankulaa le.

1 Taarika 16:30

duniyaa moolu bee, ali jarajara a ñaatiliŋo la. A ye duniyaa londi le, a bambanta, a te wutu la a noo to.

Jabuuroolu 47:8

Alla be siiriŋ a la mansasiiraŋ senuŋo kaŋ ne, ate le ye duniyaa bankoolu bee mara.