1 Taarika 16:29 - Mandinka Bible

²⁹ Ali Yaawe too la waroo niŋ a la semboo fo, ka horomoo dii a la. Ali ali la sadaalu samba naŋ, ali naa a ñaatiliŋo la. Ali Yaawe batu a la seneyaa ñiimaa kono,

1 Taarika 16:29 ပူးပေါင်းရင်းမြစ်များ

Jabuuroolu 100:4

Ali niŋ jayiroo ye duŋ niŋ a Batudulaa Buŋo* daa la, ali niŋ tenturoo ye duŋ a la luwo to, ali ye a jayi, ali ye a tentu niŋ a too la.

Yesaya 6:3

Ì tarata a fo la ñoo ye le ko, “Seneyaa, seneyaa, seneyaa be Yaawe* Alihawaa Maariyo* le fee. Duniyaa bee be faariŋ a la semboo niŋ a la waroo le la.”

Jabuuroolu 96:9

Ali Yaawe batu a la seneyaa ñiimaa kono, duniyaa moolu bee, ali jarajara a ñaatiliŋo la.

Jabuuroolu 96:6

Horomoo niŋ mansayaa waroo ye a murubeŋ ne, semboo niŋ ñiiñaa le be faariŋ a la batudulaa senuŋo kono.

Jabuuroolu 95:2

Ali naa ŋà taa Yaawe ñaatiliŋo la ǹ niŋ tenturoo, ka suukuwo laa seewoo kono.

Jabuuroolu 29:2

Ali Yaawe jayi a semboo niŋ a too la waroo kaŋ, ali Yaawe batu, a la kallankeeyaa niŋ a la seneyaa kono.

Jabuuroolu 72:15

Allamaa mansa mee la, Allamaa sanoo ye bo a ye naŋ Seba. Allamaa duwaa ye tu ke la a ye. Allamaa moolu ye tu a tentu la.

Lankenemoo 7:12

Ì be a fo kaŋ ko: “Amiin! Jayiroo niŋ tenturoo, ñaameŋo, kallankeeyaa* niŋ horomoo, semboo niŋ waroo bee be ǹ na Alla le ye, fo abadaa. Amiin!”

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

2 Taarika 20:21

Kabiriŋ a niŋ moolu diyaamuta kuwolu la, ì ñanta meŋ ke la, a ye moolu tomboŋ, mennu be tambi la kelediŋolu ñaato ka suukuwo laa Yaawe ye, ka a jayi a la seneyaa niŋ a la kallankeeyaa* kaŋ ko: “Ali Yaawe tentu, kaatu a la kanu bambaloo be tu la le fo abadaa.”

Esekiyeli 24:25

Yaawe ko n ye ko: “Ite hadamadiŋo, luŋo be naa la, luŋo meŋ na m be ì jikiraŋo taa la ì bulu, ì la seewoo aniŋ ì be i tuukuriŋ meŋ na, aduŋ wo le mu ì ñaa ti, ì sondomoo ka seewoo meŋ na, aniŋ ì dinkewolu niŋ ì dimmusoolu bee.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Jabuuroolu 50:2

Alla ka malamala a la kallankeeyaa* kono le ka bo Siyoni*, saatewo meŋ na ñiiñaa timmata.

Esekiyeli 7:20

Ì kufanta ì la ñarandi feŋ ñiimaalu mennu la, ì ye wolu le taa ì ye ì dadaa ì la jalaŋ haraamuriŋolu niŋ feŋ kondiŋolu ti. Wo kamma la, m be ì ke la ì ye feŋ ñewundiŋo le ti,

1 Samuweli 6:5

Ali maadiŋ muluŋolu dadaa, aniŋ ñina muluŋolu, mennu ka bankoo kasaara, aduŋ ali si Banisirayila la Alla horoma. A si ke noo le, a ye a buloo bo ali niŋ ali la alloolu kaŋ, aniŋ ali la bankoo.

1 Taarika 16:28

Duniyaa siyolu, ali Yaawe jayi a la waroo kaŋ. Ali a tentu a la semboo kaŋ.

1 Taarika 16:30

duniyaa moolu bee, ali jarajara a ñaatiliŋo la. A ye duniyaa londi le, a bambanta, a te wutu la a noo to.

Jabuuroolu 29:1

Alitolu malaayikoolu, ali horomoo dii Yaawe* la, ali a jayi a la semboo niŋ a la kallankeeyaa* kaŋ.

Jabuuroolu 96:7

Duniyaa siyolu, ali Yaawe jayi a la waroo kaŋ. Ali a tentu a la semboo kaŋ.

Yesaya 52:1

Wuli, wuli! Hee Siyoni*, i ye i semboo taa! Yerusalaamu saatee senuŋo, i la dendika kendoo duŋ. Sunnabaloolu aniŋ moo kosoriŋolu te duŋ na i kono kotenke.