1 Taarika 16:27 - Mandinka Bible

²⁷ Horomoo niŋ mansayaa waroo ye a murubeŋ ne, semboo niŋ jusulaa le be faariŋ a taradulaa to.

1 Taarika 16:27 ပူးပေါင်းရင်းမြစ်များ

Jabuuroolu 96:6

Horomoo niŋ mansayaa waroo ye a murubeŋ ne, semboo niŋ ñiiñaa le be faariŋ a la batudulaa senuŋo kono.

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Yohana 17:24

M Faamaa, n lafita le, i ye moolu mennu dii n na, ì si tara m fee, m be tara la daameŋ to. N lafita le, ì si n na semboo niŋ waroo je, i ye meŋ dii n na, kaatu i ye n kanu le janniŋ duniyaa daa waatoo.

Jabuuroolu 8:1

Kooni Yaawe*, m̀ Maarii, duniyaa bee ye a loŋ ne i too warata ñaameŋ. I la kallankeeyaa* jayiroo ka futa saŋ fatoolu ma le.

1 Taarika 16:26

Kaatu moolu ye feŋolu mennu muta Alla ti, ì mu jalaŋ kenseŋolu le ti. Bari Yaawe le ye saŋ fatoolu daa.

1 Taarika 16:28

Duniyaa siyolu, ali Yaawe jayi a la waroo kaŋ. Ali a tentu a la semboo kaŋ.

Nehemiya 8:10

Bituŋ Nehemiya ko moolu ye ko, “Ali ali la domori kendoolu domo, ali ye ali la miŋ feŋ diimaalu miŋ. Ali si moolu fanaa so doo la jee, mennu maŋ feŋ parendi ka a samba naŋ. Kaatu bii mu luŋ baa le ti m̀ Maarii ye. Ali kana sunu, kaatu Yaawe la kuwo seewoo le be ali bambandi la.”

Esekiyeli 1:27

Ka bo a tewo to ka taa fo santo, ka muluŋ ne ko jaawaloo, ì ye meŋ bula dimbaa kono fo a wuleeta tiwu, a ka ñeliñeli, a naata ke ko niŋ dimbaa maloo ye meŋ murubeŋ. Aduŋ ka bo a tewo to fo duuma, a ka muluŋ ne ko dimbaa. Malamaloo ye a murubeŋ ka dulaa bee fanundi.