1 Taarika 16:25 - Mandinka Bible

²⁵ Yaawe warata le, aduŋ a ñanta tentu la le famfaŋ, ate le ñaasilaŋo ñanta wara la alloolu bee ti.

1 Taarika 16:25 ပူးပေါင်းရင်းမြစ်များ

Jabuuroolu 89:7

Ite Alla, i ñaasilaŋo be i la malaayika kafoo la baake le. I la waroo niŋ i ñaasilaŋo le tambita mennu bee be i dandaŋo la.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

2 Musa 15:11

“Hee Yaawe! Jumaa le be alloolu kono, mennu niŋ ite mulunta? Jumaa le mulunta ko ite, i la mansayaa senuŋo, i la sembe waroo, i la kaawakuwolu?

1 Taarika 16:24

Ali a la semboo niŋ waroo kankulaa bankoolu bee kaŋ, aniŋ a la kaawakuu baalu duniyaa siyolu bee kono.

2 Taarika 2:5

“M be naa buŋo meŋ loo la, a be wara la le, kaatu ǹ na Alla le warata ka tambi alla koteŋolu bee la.

Jabuuroolu 48:1

Yaawe* warata le! Jayiroo ñanta wara la a ye le famfaŋ, ntolu la Alla la saatewo kono, meŋ be looriŋ a la konko senuŋo* kaŋ.

Jabuuroolu 76:8

I ye i la kiitindiroo taamandi le ka bo naŋ Arijana kono, duniyaa moolu bee le silata fo deyoo keta yem,

Jabuuroolu 145:3

Yaawe* warata le, a ñanta jayi la le famfaŋ, a la waroo tambita sumaŋo la le.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.