1 Taarika 16:10 - Mandinka Bible

¹⁰ Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

1 Taarika 16:10 ပူးပေါင်းရင်းမြစ်များ

1 Taarika 16:11

Ali ñinindiri ke Yaawe la, a niŋ a la semboo, ali a ñini ka tara a ñaatiliŋo la waati-wo-waati.

1 Taarika 16:9

Ali suukuwo laa a ye ka a jayi, ali a fo, a ye kaawakuwolu mennu ke.

1 Taarika 22:19

Wo to ali Yaawe ali la Alla muta kendeke ka bo niŋ ali sondomoo niŋ ali niyo bee la, ali ye a dati ka Batudulaa Buŋo loo ka Yaawe Alla too kuliyaa, fo ali si Yaawe la Kambeŋ Kunewo* dundi jee, aniŋ jooraŋ senuŋ koteŋolu.”

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

2 Taarika 15:15

Yahuuda bee seewoota ñiŋ kaloo la, kaatu ì kalita ì sondomoo bee le la. Ì ye Yaawe ñini kendeke, aduŋ ì ye a je le, a ye kayiroo dii ì la karoo bee la.

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 34:2

Nte be jayiroo ke la Yaawe kekuwolu la le. Moo toorariŋolu bee, ali i lamoyi n na, ali ye seewoo.

Jabuuroolu 34:3

Ali kafu m ma ka Yaawe la waroo kankulaa, ka a too la waroo suukuu ñoo la.

Kuma Kotoomaalu 8:17

Moolu mennu ye n kanu, m fanaa ŋa wolu le kanu, aduŋ mennu ka n ñini, ì be n je la le.

Yesaya 45:19

M maŋ diyaamu kulloo kono, waraŋ ka dukuduku diboo kono. M maŋ a fo Yaakuba koomalankoolu ye ko, ‘Ali n ñini kensenke.’ Nte le mu Yaawe ti, n ka tooñaa le fo, aduŋ meŋ tilinta, n ka wo le yitandi.”

Yesaya 45:25

Nte Yaawe le be a saabu la, Banisirayilankoolu ye ke moo tilindiŋolu ti, aduŋ ì be n jayi la le.”

Yeremiya 29:13

Ali be n ñini la le, ali ye n je. Niŋ ali ye n ñini ali sondomoo bee la,