1 Taarika 15:12 - Mandinka Bible

¹² A ko ì ye ko, “Alitolu le mu Lewi lasiloo kaabiila ñaatonkoolu ti, ali ali faŋolu seneyandi, ali niŋ ali mooñoo Lewi lasiloo moolu, fo ali si naa ka Yaawe Banisirayila la Alla la Kambeŋ Kunewo samba naŋ, daameŋ parendita a ye.

1 Taarika 15:12 ပူးပေါင်းရင်းမြစ်များ

2 Taarika 35:6

Ali ali faŋolu seneyandi, ali ye Tambi Tumoo Juurali saajiiriŋolu faa, ali ye ì parendi ali baadiŋolu ye, ko Yaawe ye a fo Musa ye ñaameŋ.”

2 Taarika 30:15

Kari fulanjaŋo tili taŋ niŋ naaninjaŋo la, ì ye Yaawe Tambi Tumoo Juurali saajiiriŋo faa. Piriisoolu niŋ Lewi lasiloo moolu maluta ì faŋ ma, kaatu ì maŋ ì faŋ seneyandi a waatoo la. Wo le to ì naata ì faŋ seneyandi, bituŋ ì ye jani sadaalu* samba naŋ Yaawe Batudulaa Buŋo to.

1 Taarika 15:14

Wo to le piriisoolu niŋ Lewi lasiloo moolu naata ì faŋolu seneyandi, ka Yaawe Banisirayila la Alla la Kambeŋ Kunewo naati naŋ.

Yohana 17:17

Ŋa ì daani, ì seneyandi ka bo niŋ tooñaa la. Ite la kumoo le mu tooñaa ti.

Esekiyeli 48:11

Ì ñanta ñiŋ kenoo le landi la kara la, ka ke piriisoolu taa ti. Ñinnu le mu Sadoki koomalankoolu ti, mennu ye ì faŋ kerekere, ì foroyaata dookuwo kono ì ka meŋ ke n ye. Itolu maŋ bula Banisirayilanka toomaalu nooma, ko Lewi lasili moo doolu ye a ke ñaameŋ nuŋ.

2 Taarika 5:11

Wo piriisoolu mennu bee maabeeta, ye ì faŋolu seneyandi, ì maŋ fataŋ-fansi ke ì la kafoolu la. Lewi suukuulaalaalu bee, Asafu, Hemani aniŋ Yedutuni niŋ ì dinkewolu aniŋ ì baadiŋolu bee ye i paree daari faani koyoo kono, ì niŋ jaawali palaatoolu, kontiŋolu aniŋ kooraalu loota sadaajanidulaa* tilibo karoo la, ì niŋ piriisi keme piriisi muwaŋ mennu mu footaŋ feelaalu ti. Footaŋ feelaalu niŋ suukuulaalaalu le ñanta kuma la ñoo la, ka jayiroo niŋ tenturoo dii Yaawe la. Suukuwo niŋ footaŋolu niŋ jaawali palaatoolu aniŋ kuma feŋ koteŋolu kumata ñoo la, ka Yaawe jayi ko: “Yaawe beteyaata le, a la kanu bambaloo be tu la le fo abadaa.” Kabiriŋ piriisoolu fintita Dulaa Senuŋo kono, Yaawe Batudulaa Buŋo bee faata niŋ tawaloo la, fo piriisoolu maŋ tenteŋ noo baturoo la tawaloo ñiŋ kamma la, kaatu Yaawe la kallankeeyaa* le ye Batudulaa Buŋo fandi.

1 Taarika 24:31

Dimbaayaa-wo-dimbaayaa kono, ì ye alikuuroo le ke, ka ì la dookuu daa yitandi ì la, ko ì baadiŋolu Haaruna koomalankoolu ye a ke ñaameŋ. Kotoo keebaa la dimbaayaa niŋ a doomaa la dimbaayaa bee le kaañanta talaaroo to. Mennu ye ñiŋ alikuuroo seedeyaa wolu le mu Mansa Dawuda ti, Sadoki, Ahimeleki aniŋ piriisi kaabiila ñaatonkoolu niŋ Lewi lasili ñaatonkoolu bee.

1 Taarika 15:3

Wo to le Dawuda ye Banisirayila bee bendi Yerusalaamu, ka Yaawe la Kambeŋ Kunewo samba naŋ a taradulaa to, a ye daameŋ parendi.

1 Taarika 15:1

Dawuda ye buŋolu loo a faŋo ye Yerusalaamu karoo doo la, ì ka daameŋ kumandi Dawuda la Saatewo* la. A ye dulaa fanaa parendi, ka Alla la Kambeŋ Kunewo* londi jee, aduŋ a ye tiriliisoo* wanka jee.

1 Taarika 9:34

Wo kewolu bee mu Lewi kaabiila kuntiyolu le ti, ka bo niŋ ì la kaabiiloo keñaa be laariŋ ñaameŋ. Ñinnu mu ñaatonkoolu le ti mennu tarata sabatiriŋ Yerusalaamu.

Nehemiya 13:22

Bituŋ ŋa kaŋo dii Lewi lasiloo la ka ì faŋolu seneyandi, ka taa saatee dundaŋ daalu kanta, ñiŋ kamma la Loobula Luŋo si kuliyaa. N na Alla, ì hakiloo si bula n ye ñiŋ fanaa la, aduŋ i si balafaa soto n ye ka bo niŋ i la kanu bambaloo la.

1 Taarika 16:1

Ì ye Alla la Kambeŋ Kunewo* samba naŋ, ì ye a londi tiriliisoo* koto, Dawuda ye meŋ loo a ye. Bituŋ ì ye jani sadaalu* niŋ kayira sabatindiraŋ sadaalu bondi Alla ñaatiliŋo la.

2 Taarika 1:2

Sulemani ye Banisirayila jamaa moolu bendi, kelediŋ wuli kafu kuntiyolu aniŋ keme kafu kuntiyolu, kiitindirilaalu, kaabiila ñaatonkoolu ka taa fo Banisirayila ñaatonkoolu bee.

2 Taarika 1:4

Bari Alla la Kambeŋ Kunewo*, Dawuda ye wo bondi naŋ Kiriyati-Yeyarimu le, ka a naati naŋ dulaa to Yerusalaamu, a ye tiriliisoo* wanka a ye daameŋ to.

2 Taarika 5:2

Bituŋ Mansa Sulemani ye Banisirayila alifaalu kumandi, lasili ñaatonkoolu bee, aniŋ Banisirayila kaabiila ñaatonkoolu, ka naa Yerusalaamu, ka Yaawe la Kambeŋ Kunewo* samba naŋ ka bo Siyoni*, Dawuda la Saatewo* to.

Yesaya 52:11

Ali taa, ali taa, ali bo Babiloni! Feŋolu mennu maŋ janku, ali kana ì maa. Ali jamfa jee la, ali ye seneyaa, alitolu mennu ka Yaawe la batudulaa jooraŋolu samba.