1 Taarika 14:2 - Mandinka Bible

² Wo to le Dawuda ye a loŋ ko, Yaawe ye a la mansayaa londi kuu le, a la moolu Banisirayilankoolu la kuwo kamma la.

1 Taarika 14:2 ပူးပေါင်းရင်းမြစ်များ

4 Musa 24:7

Ali la tadoolu be kali tu la faariŋ ne, ali la fiifeŋolu be kali jiyo soto la famfaŋ, ali la mansakewo le la kuwo be wara la Mansa Akaki la kuwo ti, aduŋ ali la mansamarali bankoo be semboo soto la le.

Daniyeli 2:30

Alla ye ñiŋ kulloo lankenemayandi nte ye le, a maŋ ke ko nte le ñaamenta moo koteŋolu bee ti, bari a daliiloo mu ñiŋ ne ti fo ite Mansa si a fasaroo loŋ, aduŋ i si miiroolu fahaamu noo, mennu dunta i sondomoo kono.

Esita 4:14

Niŋ i tuta deyiriŋ ñiŋ waatoo, dahaa niŋ tankoo be bo la naŋ Yahuudoolu ye dulaa doo le to, bari ite niŋ i faamaa la dimbaayaa be kasaara la le. Jumaa le ye a loŋ? A si ke ñiŋ kuwo le ye a tinna i keta mansamusoo* ti ñiŋ waatoo, fo i si ñiŋ kuwo taamandi.”

2 Taarika 2:11

Bituŋ Tire mansa Hiramu ye jaabiroo safee leetaroo to Sulemani ye ko: “Yaawe ye a la moolu kanu le, wo le ye a tinna a ye i ke ì la mansa ti.”

1 Mansoolu 10:9

Tentoo be Yaawe ye i la Alla, meŋ kontaanita i la kuwo la, aduŋ a ye i sindi Banisirayila la mansasiiraŋo kaŋ. Yaawe la badaa-badaa kanoo kamma la, a ye meŋ soto Banisirayila ye, wo le ye a tinna a ye i ke mansa ti, fo i si tiliŋo niŋ tooñaa taamandi.”

2 Samuweli 7:16

I la buŋo niŋ i la mansamarali bankoo be tara la taama kuu la n ñaa la le, aduŋ i la mansasiiraŋo be bambaŋ na le fo abadaa.”

1 Taarika 17:17

Hee Alla, ñiŋ kuwolu mu kuundiŋ ne ti i ñaa koto. I ye laahidoo fanaa dii n koomalankoolu la le saama siniŋ. M Maarii Yaawe, i ye n ke le ko moo kummaa baa.

2 Samuweli 7:8

“Bituŋ a fo n na dookuulaa Dawuda ye ko, Yaawe Alihawaa Maariyo* ko: Ŋa i bondi naŋ saajii kantoo la wuloo kono le, aduŋ ŋa i ke n na moolu Banisirayilankoolu la maralilaa ti.

5 Musa 28:1

Musa ko Banisirayilankoolu ye ko: A fele m be Yaawe* ali la Alla la luwaalu dii kaŋ ali la bii luŋo la. Niŋ ali ye ì bee muta, ali baarata ì la, a be ali semboo warandi la duniyaa banku moolu bee le ti.

1 Taarika 14:1

Saayiŋ Hiramu, meŋ keta Tire mansa ti, ye kiilaalu kii Dawuda yaa. A ye ì niŋ sedari* yiroolu, kapintaalu aniŋ masoŋolu le bula, ì taata Dawuda yaa, ka mansabuŋo loo a ye.

1 Taarika 14:3

Dawuda ye musu doolu le futuu Yerusalaamu, aduŋ a ye dinkewolu niŋ dimmusoolu doolu soto.

2 Taarika 2:10

M be ñiŋ ne dii la i la dookuulaalu la mennu be yiroo teyi la, wiiti* siimaŋo tooni wuli fula, baali* siimaŋo tooni wuli fula, wayini* barika wuli fula, aniŋ olifu* tuloo barika wuli fula.”