1 Taarika 12:8 - Mandinka Bible

⁸ Ñiŋ Kadu lasiloo kelediŋolu le kafuta Dawuda ma, tumoo meŋ na a be tatoo to keñewuloo* kono. Ì fanaa ka tara pareeriŋ keloo la le, aduŋ ì ye sooroo niŋ koteeroolu* kalamuta baake. Ì be saŋarariŋ ne ko jatoolu, ì be tariyaariŋ ne ko konkokono minaŋolu.

1 Taarika 12:8 ပူးပေါင်းရင်းမြစ်များ

2 Samuweli 1:23

Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

2 Samuweli 17:10

Bituŋ hani kelediŋ haañiriŋ baa meŋ jusoo jaata ko jata jusoo, be sila la le, kaatu Banisirayila bee ye a loŋ ne ko, i faamaa mu kelejawaroo le ti, aduŋ mennu be a fee, wolu fanaa mu jatoolu le ti.

2 Samuweli 2:18

Seruya dinkee saboo tarata nuŋ jee le, Yowabu, Abisayi aniŋ Asaheli. Asaheli ka bori le ko minaŋo.

2 Samuweli 23:20

Benaya Yehoyada dinkewo keta nuŋ kelejawara baa le ti. A bota Kabuseeli le, aduŋ a ye kee kendeyaa baalu le ke. A nene ye Mowabinka kelejawara fula le faa. A nene ye jatoo fanaa faa dinkoo kono luŋo meŋ sumayaa keta fo sanjiyo jiita kalaasi dunkuliŋ feemaa ti.

1 Taarika 11:16

Wo waatoo Dawuda tarata tatoo le kono, aduŋ Filisitinkoolu la daakaa tarata Betilehemu le.

1 Taarika 11:22

Benaya Yehoyada dinkewo keta nuŋ kelejawara baa le ti. A bota Kabuseeli, a ye kee kendeyaa kuu baalu le ke. A nene ye Mowabinka kelejawara fula le faa. Aduŋ a nene ye jatoo fanaa faa dinkoo kono le luŋo meŋ sumayaa keta fo sanjiyo jiita kalaasi dunkuliŋ feemaa ti.

1 Taarika 12:16

Kee kafu doolu le bota Benjamini niŋ Yahuuda lasiloo kelediŋolu kono ka kafu Dawuda ma, a la tatoo to.

1 Taarika 12:7

aniŋ Yowela niŋ Sebadiya, Yerohamu Kedorinkoo dinkewolu.

1 Taarika 12:9

Eseri le mu ì la ñaatonkoo ti, Obadiya ye a nooma ñaatonkayaa la, Eliyabu be wo nooma,

2 Taarika 25:5

Bituŋ Amasiya ye kewolu kafu ñoo ma ka bo Yahuuda niŋ Benjamini lasiloolu bee to, ko ì la kaabiiloolu be laariŋ ñaameŋ. A ye ì ke kelediŋ kuntiyolu koto, mennu tarata marariŋ wuli kiliŋ kafoolu ma, aniŋ keme kiliŋ kafoolu. A ye moolu yaatee, mennu siyo be sanji muwaŋ aniŋ wo ye santo la, ì taata kaañaŋ kelediŋ wuli keme saba le fee. A ye ñinnu tomboŋ ne, kaatu ì si keloo ke noo le, ì si hawusaroo niŋ koteeroo* muta noo.

Kuma Kotoomaalu 28:1

Moo kuruŋo ka bori le, hani moo maŋ tara a nooma, bari moo tilindiŋo ka fatiyaa le ko jatoo.

Kuma Kotoomaalu 6:5

fo niŋ i ye i faŋo kanandi, komeŋ minaŋo ka kana deemalaa ma ñaameŋ, komeŋ kunoo ka kana kaliŋo daa ñaameŋ.

Suukuwo 8:14

N jusukuŋo, i tariyaa, bori ko minaŋo, waraŋ ko daakoyoo, konkoolu to seerandi feŋolu ka faliŋ daameŋ.

Yeremiya 46:9

Acaa, suwoolu ye kirimbaasi! Keleraŋ sareetoolu ye saŋara bori! Kelejawaroolu ye taa ñaato: Kusi* aniŋ Puti kewolu, mennu ye ì la koteeroolu cafu, aniŋ Ludinkoolu mennu kalanta kala fayoo la.

1 Samuweli 23:14

Dawuda tuta maaboriŋ tatoolu le kono, mennu be keñewuloo* kono aniŋ konkotundoo* kaŋ Sifu keñewuloo kono. Waati-wo-waati Sawulu ka a kata le, ka a muta, bari Alla maŋ Dawuda duŋ a bulu.

1 Samuweli 23:29

Dawuda bota jee le, a taata sabati Eni-Kedi tatoolu kono.

1 Samuweli 24:22

Bituŋ Dawuda kalita Sawulu ye. Wo to le Sawulu muruta suwo kono, bari Dawuda niŋ a la kewolu, wolu taata tatoo le kono.