1 Taarika 11:22 - Mandinka Bible

²² Benaya Yehoyada dinkewo keta nuŋ kelejawara baa le ti. A bota Kabuseeli, a ye kee kendeyaa kuu baalu le ke. A nene ye Mowabinka kelejawara fula le faa. Aduŋ a nene ye jatoo fanaa faa dinkoo kono le luŋo meŋ sumayaa keta fo sanjiyo jiita kalaasi dunkuliŋ feemaa ti.

1 Taarika 11:22 ပူးပေါင်းရင်းမြစ်များ

2 Samuweli 8:18

Benaya Yehoyada dinkewo le marata Keretinkoolu niŋ Peletinkoolu la, mennu mu mansa kantalaalu ti. Dawuda dinkewolu le keta piriisoolu ti.

Yosuwa 15:21

Ì la saatewolu doolu be Edomu naanewo le daala bulubaa la karoo la: Kabuseeli, Ederi, Yakuri,

1 Taarika 12:8

Ñiŋ Kadu lasiloo kelediŋolu le kafuta Dawuda ma, tumoo meŋ na a be tatoo to keñewuloo* kono. Ì fanaa ka tara pareeriŋ keloo la le, aduŋ ì ye sooroo niŋ koteeroolu* kalamuta baake. Ì be saŋarariŋ ne ko jatoolu, ì be tariyaariŋ ne ko konkokono minaŋolu.

1 Mansoolu 2:30

Bituŋ Benaya taata Yaawe la tiriliisoo to, aduŋ a ko Yowabu ye ko, “Mansa ko i ye finti naŋ banta.” Bari Yowabu ye a jaabi ko, “Hanii, m be faa la jaŋ ne.” Wo to le Benaya ye kumoo murundi mansa kaŋ kotenke ka a fo a ye ko, “Yowabu ye n jaabi teŋ ne.”

1 Mansoolu 1:38

Bituŋ Piriisi Sadoki, Annabilayi Natani, Benaya Yehoyada dinkewo, ì niŋ Keretinkoolu niŋ Peletinkoolu mennu mu Dawuda kantalaalu ti, ye Sulemani selendi Mansa Dawuda la bahalewo kaŋ, aduŋ ì ye a dandaŋ Kihoni.

1 Mansoolu 1:8

Bari moo doolu be jee le mennu maŋ laa Adoniya kaŋ. Wolu le mu Piriisi Sadoki ti, Yehoyada dinkewo Benaya, Annabilayi Natani, Simeyi aniŋ Reyi, aniŋ Dawuda faŋo kantalaalu.

2 Samuweli 20:23

Yowabu le marata Banisirayila kelediŋ kafoo bee la. Benaya Yehoyada dinkewo le marata Keretinkoolu niŋ Peletinkoolu la, mennu mu Dawuda kantalaalu ti.

2 Samuweli 1:23

Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

1 Taarika 11:21

Ate le too bota ñiŋ kee taŋ saboo bee ti, bituŋ a keta ì la ñaatonkoo ti, bari hani wo, a too maŋ bo ko wo kee saboo.

1 Taarika 12:28

Sadoki, fondinkewo le mu meŋ fatiyaata baake, a niŋ kelediŋ ñaatonka muwaŋ niŋ fula le naata ka bo a la dimbaayaa kono.