1 Taarika 11:15 - Mandinka Bible

¹⁵ Luŋ kiliŋ kelejawara saboo mennu be ñiŋ kee kende taŋ saboo kono, taata Dawuda yaa Adullamu berehuwo kono, wo ye a tara, Filisitinkoolu la kelediŋ kafoo be daakaariŋ nuŋ Refayimu Wulumbaŋo kono.

1 Taarika 11:15 ပူးပေါင်းရင်းမြစ်များ

1 Taarika 14:9

Filisitinkoolu janjanta ka Refayimu Wulumbaŋo bee muta.

Yesaya 17:5

A be muluŋ na le ko siimaŋ kunkoo, ì ye meŋ karaŋ feefee fo a kenseŋo loota. A kenseŋyaata ko Refayimu Wulumbaŋo ì ye a karaŋ ne fo a banta.

2 Samuweli 5:18

Saayiŋ Filisitinkoolu naata le, aduŋ ì janjanta Refayimu Wulumbaŋo kono.

Mika 1:15

Alitolu Maresankoolu, Yaawe be kelejawaroo le naati la ali kaŋ, ka ali la feŋolu bee taa. Banisirayila ñaatonka baalu be bori la le, ì ye taa Adullamu.

2 Samuweli 5:22

Filisitinkoolu naata kotenke, ka Refayimu Wulumbaŋo muta.

1 Samuweli 22:1

Dawuda borita ka bo Kati saatewo to, a taata berehuwo kono, meŋ be Adullamu. Kabiriŋ a kotoomaalu niŋ a baadiŋ koteŋolu ye a moyi ko, a be jee le, ì taata kafu a ma.

Yosuwa 15:8

Bituŋ a tententa wo la ka taa Beni-Hinnomu Wulumbaŋo bala, konkoo bulubaa karoo la, Yebusinkoolu la saatewo meŋ mu Yerusalaamu ti. Ka bo wo to la, a tententa ka taa fo konkoo santo, Hinnomu Wulumbaŋo tilijii karoo la, Refayimu Wulumbaŋo maraa karoo danta daameŋ.

Yosuwa 12:15

Libuna mansa, Adullamu mansa,

1 Taarika 11:14

Bari ate niŋ a mooñoolu lookuuta le kunkoo ñiŋ kono, ka Filisitinkoolu kelendi ka ì bee faa, aduŋ Yaawe ye ì tankandi ka kañee baa dii ì la.

1 Taarika 12:4

Isimaya Kibeyoninkoo meŋ mu kelejawara taŋ saboo la ñaatonkoo ti, Yeremiya, Yahasiyeli, Yohanani, Yosabadi Kederankoo,