1 Samuweli 5:12 - Mandinka Bible

¹² Moolu mennu maŋ faa, a ye wolu yankankati niŋ maadiŋolu le la, aduŋ saatee moolu la kumboo kaŋo taata le fo ì la allañolu yaa, fo ì si ì maakoyi.

1 Samuweli 5:12 ပူးပေါင်းရင်းမြစ်များ

2 Musa 12:30

Firawoona niŋ a la ñaatonkoolu aniŋ Misirankoolu bee wulita suutoo. Wuuri baa tarata Misira kono, kaatu buŋ te jee, moo maŋ faa daameŋ.

Amosi 5:19

Luŋo ñiŋ be ke la ali ye le, komeŋ niŋ moo be bori kaŋ jatoo la, aniŋ daafeŋ saŋarariŋ* doo ye taa beŋ, waraŋ a ye duŋ a la buŋo kono, a ye a buloo suji bumbaloo la, saa ye a kiŋ.

Yeremiya 48:3

Kumboo kaŋo moyi baŋ, ka bo Horonayimu ko, ‘Fitinoo niŋ kasaara baa le keta!’

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

1 Mansoolu 19:17

Niŋ moo-wo-moo kanata Hasayeli la faaroo ma, Yehu be wo maarii faa la le, aduŋ niŋ moo-wo-moo kanata Yehu la faaroo ma, Elisa be wo maarii faa la le.

1 Samuweli 9:16

“Saama ñiŋ ñoŋ waatoo m be kewo doo le kii la i ye naŋ, meŋ bota Benjamini bankoo kaŋ. Tuloo boŋ a kuŋo to, i ye a ke n na moolu Banisirayilankoolu la ñaatonkoo ti. A be n na moolu bondi la Filisitinkoolu bulu le. Ŋa ì la kuwo je le, kaatu ì la kumboo futata m ma le.”

1 Samuweli 6:1

Kabiriŋ Yaawe* la Kambeŋ Kunewo* tarata Filisitinkoolu la bankoo kaŋ fo kari woorowula,