1 Samuweli 28:6 - Mandinka Bible

⁶ A ye Yaawe* ñininkaa, bari a maŋ a danku ka bo niŋ siiboolu la, waraŋ Urimu waraŋ a la annabiyomoolu.

1 Samuweli 28:6 ပူးပေါင်းရင်းမြစ်များ

1 Samuweli 14:37

Bituŋ Sawulu ye Alla ñininkaa. A ko, “Ŋà taa Filisitinkoolu boyinkaŋ baŋ? I be ì duŋ na Banisirayilankoolu bulu le baŋ?” Bari wo luŋo Alla maŋ a danku.

4 Musa 12:6

A ko ì ye ko, “Ali ali tuloo loo m fokumoolu la: “Niŋ annabiyomoo sotota ali kono, nte Yaawe faŋo le ka m faŋ yitandi a la jeroo to, n ka diyaamu a ye siiboo kono.

Niikuyaa Suukuwolu 2:9

Jee dundaŋ daa tawundaŋolu jurumita bankoo to, Yaawe ye ì nee bantambiloolu kati, ka ì janjaŋ. A mansakewo niŋ maralilaalu be mutoo kono banku koteŋolu kaŋ. Yaawe la yaamaroolu buka karandi kotenke, annabiyomoolu buka jeroo soto a bulu fanaa.

4 Musa 27:21

A ñanta loo la Piriisi Eleyasa le ñaatiliŋo la, wo le be ñininkaaroo ke la a ye niŋ Urimu la, nte Yaawe ñaatiliŋo la. A la kumoo kaŋ, a niŋ Banisirayila jamaa be finti la wo le la, aduŋ ì be duŋ na wo le fanaa la.”

Yankuba 4:3

Ali ka daaniroo ke, bari ali buka a soto, kaatu ali la daaniroo maŋ tiliŋ, ali ka a ke ali la niidiyaa kuwolu le kamma.

Yohana 9:31

Ŋà a loŋ ne ko, Alla buka junubekelaa lamoyi. Bari a ka moo le lamoyi, meŋ ye Alla ñaasilaŋo soto, aniŋ meŋ ka a la lafoo ke.

Matiyu 1:20

Bari kabiriŋ a be ñiŋ kuwo miira kaŋ, Maariyo la malaayikoo fintita a kaŋ siiboo kono, a ko a ye ko, “Yusufa, Dawuda dinkewo, kana sila ka Mariyaama futuu, kaatu diŋo meŋ be a kono, wo sotota ka bo niŋ Noora Kuliŋo le la.

Yeremiya 23:28

Annabiyomoo meŋ siiboota, a si wo siiboo fo, bari n na kumoo be meŋ daa, wo si n na kumoo fo a ñaama. Siimaŋ kaloo niŋ siimaŋ kesoo si kaañaŋ noo baŋ?” Yaawe le ye a fo.

5 Musa 33:8

A ko Lewi lasiloo la kuwo to ko, “Yaawe, i la Tummimu tu Lewi lasiloo bulu, i la Urimu tu i la foroolu bulu, i ye mennu kotobo Masa, i ye ì sonkandi Meriba.

2 Musa 28:30

I si Urimu niŋ Tummimu ke jifa sisilaa kono, fo Haaruna si ì samba naŋ, niŋ a naata n na dulaa senuŋo to. Wo waatoolu kono, a ñanta jifa sisilaa le duŋ na, fo a si n na lafinna kuwolu ñini noo Banisirayilankoolu ye.

Kuma Kotoomaalu 27:1

Kana kibiri saama kamma, kaatu i maŋ a loŋ, saama niŋ meŋ be naa.

Jabuuroolu 74:9

Alla la kaawakuwolu taamanseeroolu maŋ naa ntolu ye. Annabiyomu kiliŋ maŋ tu ǹ kono kotenke, aduŋ moo te ǹ kono meŋ ye ñiŋ kuwo baŋ waatoo loŋ.

2 Musa 28:20

Raŋ naaninjaŋo to, i si kisoliti beroo, onisi beroo, aniŋ jasipa beroo ke jee. Sani kedulaalu dadaa ì ye jifa sisilaa bala.

3 Musa 8:8

A ye jifa sisilaa ke a sisoo to, a ye Urimu niŋ Tummimu ke a kono.

1 Samuweli 28:5

Kabiriŋ Sawulu ye Filisitinkoolu la kelediŋ kafoo je, a silata le, fo a kijoo ka sawuŋ.

1 Samuweli 28:15

Samuweli ko Sawulu ye ko, “Muŋ ne ye a tinna, i ye m batandi, ka n kumandi naŋ?” Sawulu ko a ye ko, “M be bataa baa le kono. Filisitinkoolu ye m maa keloo le la, aduŋ Alla ye a koo dii n na le. A buka n danku kotenke niŋ a la annabiyomoolu la, waraŋ siiboolu. Bituŋ n ko, ŋa ite kumandi, fo i si m maakoyi. A fo n ye, m be meŋ ke la.”

2 Samuweli 22:42

Ì ye maakoyiroo kumboo, bari moo te jee, meŋ si ì tankandi. Ì woosiita Yaawe ye, bari a maŋ ì danku.

Yoweli 2:28

“Bituŋ wo koolaa, m be n na Nooroo jindi la hadamadiŋolu bee le kaŋ: Ali dinkewolu niŋ ali dimmusoolu si kiilaariyaa kumoolu bankee, ali la keebaalu ye siiboo, ali la fondinkewolu ye jeroo ke.

Mika 3:7

Alitolu juubeerilaalu, ali si malu, alitolu bitaarilaalu ye duŋ maloo kono. Ali si ali buloo duŋ ali daa koto, kaatu jaabiri te bo la nte Alla yaa.”