1 Samuweli 24:10 - Mandinka Bible

¹⁰ Bii luŋo ite faŋo ye a je i ñaa la le, Yaawe ye i duŋ m buloo kono ñaameŋ berehuwo kono. Moo doolu ko ŋa i faa, bari nte maŋ lafi ka i faa. N ko n te m buloo maa la n na alifaa la, kaatu Yaawe le ye a tomboŋ ka a ke mansa ti.

1 Samuweli 24:10 ပူးပေါင်းရင်းမြစ်များ

Jabuuroolu 105:15

A ko, “Ali kana n na tomboŋ moolu maa, sako ka kuu ke n na annabiyomoolu la.”

1 Samuweli 24:4

Kewolu ko, “Yaawe* ye ñiŋ luŋo la kumoo le fo nuŋ, kabiriŋ a ko i ye ko, ‘M be i jawoo duŋ na i buloo kono le. Meŋ diyaata i ye, i si wo ke a la.’ ” Wo to le Dawuda ye Sawulu ñente, a ye a la dendikoo tuloo kuntu.

2 Musa 21:13

A keta ñaa-wo-ñaa, niŋ a maŋ tawu, bari Alla le lañinita a la, a ñanta bori la dulaa le to, Alla be meŋ tomboŋ na ka ke tankañini dulaa ti.

1 Samuweli 24:9

Dawuda ko Sawulu ye ko, “Muŋ ne ye a tinna i ka i lamoyi moolu la, mennu ka a fo ko, nte lafita kuu jawoo le ke la i la?

Jabuuroolu 7:3

Hee Yaawe, n na Alla, niŋ a ye a tara ŋa kuu le ke, niŋ a ye a tara ŋa kuu tilimbaloo le taamandi,

Jabuuroolu 7:4

niŋ a ye a tara ŋa n teerimaa joo kuu jawoo le la, waraŋ ka n jawoo tiñaa, daliila te a la,

Jabuuroolu 125:3

Moo kuruŋolu te tu la maraloo ke la moo tilindiŋolu la bankoo kaŋ. Niŋ wo nte, moo tilindiŋolu si duŋ noo kuu jawu baaroo to le.

3 Musa 19:16

Ali kana tara ñoo koomakumoo la taariŋ. Ali kana seedenduriyaa ke ali siiñoo kamma, kuwo to meŋ si ke a la saayaa ti. Nte le mu Yaawe ti.

Esekiyeli 22:9

Moolu le be sabatiriŋ i kono, mennu ka kaŋo laa doolu la fo luwaa si wolu muta noo ka ì faa, doolu ka sadaalu* domo, ì ye mennu bo jalaŋolu ye, konkoolu santo, doolu ka cakayaa ke.