1 Samuweli 18:6 - Mandinka Bible

⁶ Kabiriŋ Dawuda ye Filisitinkoo faa, bituŋ a niŋ kewolu seyita ì la suwolu kono, musoolu bota naŋ Banisirayila saatewolu bee kono ka naa Mansa Sawulu benduŋ. Ì be denkili diimaalu laa kaŋ, ì niŋ kontaanoo, ì be i doŋ na, ì be tambuuroolu niŋ kontiŋolu kosi kaŋ.

1 Samuweli 18:6 ပူးပေါင်းရင်းမြစ်များ

Kiitindirilaalu 11:34

Bituŋ Yefuta muruta naŋ a la suwo kono Misipa, aduŋ a dimmusoo le fintita naŋ ka a benduŋ. Tambuuroo be a buloo kono, a be a kosi kaŋ, aniŋ a be i doŋ kaŋ. Ñiŋ sunkutoo dammaa le mu a bulu diŋo ti. A maŋ diŋ koteŋ soto, fo ñiŋ dimmusu kiliŋo.

2 Musa 15:20

Bituŋ Miriyaamu, annabiyomu musoo, meŋ keta Haaruna baarimmusoo ti, ye tambuuroo taa, musoolu bee bulata a nooma, ì niŋ tambuuroolu niŋ doŋo.

Jabuuroolu 68:25

Suukuulaalaalu be ñaato, kumafeŋ kosilaalu be kooma, sunkutoolu be teema, ì be tambuuroolu kosi kaŋ, ka suukuwo laa ko,

2 Musa 15:21

Miriyaamu ka ñiŋ ne laa ì ye: “Ali suukuwo laa Yaawe ye, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.”

1 Samuweli 18:5

Sawulu ye a kii meŋ-wo-meŋ na ka a ke, Dawuda ka kututeyi wo to le. Wo kamma la Sawulu ye palaasi baa dii a la a la kelediŋ kafoo kono. Wo ye moolu niŋ Sawulu la dookuulaalu bee le seewoo.

2 Samuweli 1:20

Ali kana a fo Kati kono, ali kana a kankulaa Asikeloni mbeedoolu kaŋ, niŋ wo nte, Filisitinkoolu dimmusoolu si kontaani, ñiŋ sunnabaloolu la sunkutoolu si seewoo.

2 Samuweli 6:5

Dawuda niŋ Banisirayilankoolu bee tarata suukuwo niŋ doŋo la semboo la, ka Yaawe horoma. Ì be kontiŋo, kooraa, tambuuroo, keseŋ-kesendaŋo aniŋ newolu le kosi kaŋ.

Jabuuroolu 68:11

Maariyo la yaamaroo kaŋ, musu jamaalu ye kibaaroo samba ko:

Jabuuroolu 149:3

Ali a jayi a too la, ali niŋ doŋo. Ali maakaŋ diimaa ke a ye niŋ tambuuroo la, aniŋ kontiŋo.

Yesaya 30:32

Yaawe ye lipari-wo-lipari laa ì kaŋ a la mantooralaŋ dokoo la, wo niŋ tantaŋolu niŋ kooraalu kumakaŋo le be taa ñoo la. A buloo be teekariŋ santo le ka ì kele.