1 Samuweli 18:18 - Mandinka Bible

¹⁸ Bari Dawuda ko Sawulu ye ko, “Nte mu jumaa le ti, aduŋ n na kaabiiloo mu muŋ ne ti, waraŋ m faamaa la lasiloo Banisirayila kono, fo n si ke mansa bitankewo ti?”

1 Samuweli 18:18 ပူးပေါင်းရင်းမြစ်များ

2 Samuweli 7:18

Wo to le Mansa Dawuda taata, a siita Yaawe ñaatiliŋo la, a duwaata ko: “M Maarii Yaawe, nte mu jumaa le ti? Nte bota kaabiila jumaa le bala, fo i ye m futandi jaŋ?

1 Samuweli 18:23

Ì ye ñiŋ kumoolu seyinkaŋ Dawuda ye, bari Dawuda ko, “Fo ali ye a miira le ko, kuu feemaa le mu ka ke mansa bitankewo ti? Nte mu fuwaaroo doroŋ ne ti, aduŋ moo jamaa maŋ n loŋ.”

1 Samuweli 9:21

Sawulu ye a jaabi ko, “Bari fo nte maŋ ke Benjamini lasili moo le ti, lasiloo meŋ dooyaata Banisirayila bee kono? Fo n na dimbaayaa le maŋ koomankayaa Benjamini lasiloo bee kono baŋ? Muŋ ne ye a tinna, i ka ñiŋ kuu siifaa fo n ye?”

Ruti 2:10

Bituŋ Ruti ñoyita bankoo to, a kunjimintoo diyaamuta ka a fo Bowasi ye ko, “Muŋ ne ye a tinna nte ye ñiŋ balafaa soto ite ñaato ka beteyaa m fee teŋ, nte mu luntaŋo ti ñaa-wo-ñaa?”

2 Musa 3:11

Musa ko Alla ye ko, “Nte mu jumaa le ti, fo n si taa Firawoona yaa, ka Banisirayilankoolu bondi naŋ Misira?”

Yeremiya 1:6

Bari nte kumata le ko, “Hee Yaawe Alla, nte maŋ diyaamoo noo, kaatu m mu dindiŋo le ti.”

Kuma Kotoomaalu 18:12

Janniŋ moo ka duŋ kasaaroo kono, a ka a faŋo wara le, janniŋ moo ka buuñaa soto, fo a ye a fammajii foloo.

Kuma Kotoomaalu 15:33

Yaawe ñaasilaŋo ka moo karandi ñaameŋo le la, janniŋ moo ka buuñaa soto, fo a ye a fammajii foloo.

1 Mansoolu 4:15

Ahimaasi, wo be Nafutali, ate le ye Basemati futuu, Sulemani dimmusoo.