1 Samuweli 17:37 - Mandinka Bible

³⁷ Yaawe* meŋ ye n tankandi jatoolu niŋ daafeŋ saŋarariŋolu ŋooriŋolu la, ate le be m bondi la ñiŋ Filisitinkoo buloo kono.” Wo to le Sawulu ko Dawuda ye ko, “Taa, Allamaa Yaawe ye tara i fee.”

1 Samuweli 17:37 ပူးပေါင်းရင်းမြစ်များ

2 Samuweli 10:12

I si bambaŋ, ŋà fatiyaa, ka keloo ke ǹ na moolu la kuwo kamma la, aniŋ ǹ na Alla la saatewolu la kuwo kamma. Meŋ benta Yaawe* fee, a be wo le ke la.”

1 Taarika 22:11

Dawuda tententa, a ko, “N diŋo, Allamaa Yaawe i la Alla ye tara i fee, fo i si ñaatotaa soto ka buŋo loo a ye, ko a ye a laahidi ñaameŋ.

1 Taarika 22:16

sako mennu ye kodiforoo, sanoo, jaawaloo niŋ nee dookuwo noo. Saayiŋ i paree, i ye dookuwo ñiŋ dati. Allamaa Yaawe ye tara i fee.”

Jabuuroolu 11:1

M bambuta Yaawe* le kooma, wo to, muŋ ne ye a tinna ali ko n ye ko, “Tii ko kunoo, i ye taa konkoolu to.

Jabuuroolu 118:6

N te sila la, bayiri Yaawe be m fee le, hadamadiŋolu si muŋ ne noo m ma?

Jabuuroolu 138:3

Tuma meŋ na ŋa i kumandi, i ye n jaabi le. I ye n niyo bambandi kuu le.

Jabuuroolu 63:7

Bayiri ite le keta m maakoyilaa ti, n ka tara i dampaŋo le koto, wo to m be suukuwo laa la le seewoo kamma la.

Jabuuroolu 77:11

Yaawe*, m be n hakiloo murundi la i la kuu baalu kaŋ ne, ka m miira kaawakuwolu la i ye mennu ke koomanto.

Daniyeli 3:17

Niŋ a ye a tara wo le mu, ntolu ka Alla meŋ batu, a be ǹ tankandi noo la fuuri dimbaa wuleŋo ma le, aduŋ a be ǹ tankandi la ite bulu le.

Yosuwa 1:17

Ko ŋà Musa batu ñaameŋ, m̀ be i fanaa batu la wo le ñaama. Allamaa Yaawe i la Alla ye tara i fee, ko a be nuŋ Musa fee ñaameŋ.

Ruti 2:4

A maŋ mee, Bowasi faŋo futata ka bo Betilehemu. A ye a la katirilaalu kontoŋ ko, “Yaawe* ye tara ali fee!” Wolu fanaa ye a joo ko, “Allamaa Yaawe neema la i ma!”

1 Samuweli 17:36

Nte i la dookuulaa ye jatoo niŋ daafeŋ saŋarariŋo doo faa le, aduŋ m be wo kuu kiliŋo le ke la ñiŋ Filisitinka sunnabaloo la, kaatu a ka Alla baluuriŋo la kelediŋolu hadaañi le.

1 Samuweli 17:38

Sawulu ye a faŋo la kelejooraŋolu duŋ Dawuda ye. A ye jaawali naafoo duŋ a kuŋo to, aniŋ dendikoo meŋ dadaata niŋ jaawaloo la.

1 Samuweli 20:13

Bari niŋ m faamaa lafita kuu jawoo ke la i la, Allamaa Yaawe ye kuu jawoo laa n kaŋ, niŋ m maŋ i kalamutandi, ka i kanandi i ye taa. Allamaa Yaawe ye tara i fee, ko a be m faamaa fee nuŋ ñaameŋ.

1 Samuweli 24:19

Niŋ moo ye a jawoo muta, fo a ka a bula le a ye taa, a maŋ kuu jawoo ke a la baŋ? Allamaa Yaawe ye neema ke i ye i la baaroo la, i ye meŋ ke n ye bii.

1 Samuweli 26:25

Bituŋ Sawulu ko Dawuda ye ko, “N dinkewo Dawuda, Allamaa neema ke la i ye, i be kaawakuwolu le ke la, aduŋ i be ñaatotaa soto la le.” Wo to le Dawuda taata a la siloo la, bituŋ Sawulu muruta suwo kono.

1 Samuweli 7:12

Bituŋ Samuweli ye beroo taa, a ye a ke Misipa niŋ Seni teema. A ye a toolaa Ebenesa la, ka a fo ko, “Yaawe ye m̀ maakoyi ñiŋ siloo bee le kaŋ.”