1 Samuweli 12:12 - Mandinka Bible

¹² Bari kabiriŋ ali ye Ammoninkoolu la mansa Nahasi je, a ka naa ali boyinkaŋ, ali ko n ye ko, ‘Hanii, ǹ lafita mansa le la, a ye m̀ mara,’ hani a ye a tara, Yaawe ǹ na Alla le mu ali la mansa ti.

1 Samuweli 12:12 ပူးပေါင်းရင်းမြစ်များ

Kiitindirilaalu 8:23

Kideyoni ko ì ye ko, “Nte te ke la ali la maralilaa ti sako n dinkewo. Yaawe le be ke la ali la maralilaa ti.”

1 Samuweli 10:19

Bari saayiŋ ali ye ali koo dii ali la Alla la le, meŋ ye ali tankandi ali la bataalu niŋ koleyaa kuwolu kono. Ali ko, ‘Hanii, mansa ke ǹ ñaato.’ Bituŋ saayiŋ ali ali faŋolu bendi Yaawe ñaatiliŋo la niŋ kaabiiloolu, aniŋ lasiloolu la.”

Hoseya 13:10

Ali la mansa lee, meŋ si ali maakoyi? Ali la saatewolu maralilaalu lee, ali kumata mennu la kuwo to ko, ‘Mansa dii ǹ na aniŋ maralilaalu’?

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Jabuuroolu 74:12

Hani wo, ite Alla le mu ǹ na Mansoo ti, kabiriŋ waati jaŋ koomanto. I ka kiisoo naati ǹ ye duniyaa kono le.

1 Samuweli 8:3

Bari Samuweli dinkewolu maŋ taama niŋ a la siloo la. Ì ye ì koo dii tiliŋo la le, ì hameta kodoo la. Ì ka dukoolu muta, aduŋ wo ye a tinna le, ì maŋ tiliŋ luwaa siloo la.

Kiitindirilaalu 9:18

Bari bii tiloo la, ali ye m faamaa la dimbaayaa moolu jamfaa le. Ali ye a dinkewolu bee faa, dinkee taŋ woorowula bere kiliŋo kaŋ. Ali ye Abimeleki, a la jommusoo dinkewo ke Sekemu saatee moolu la mansa ti, kaatu ali baadiŋo le mu a ti.

4 Musa 23:21

“Mantaabembaliyaa te soto la Yaakuba la karoo la, balafaa kuu nene te laa la Banisirayila kaŋ. Yaawe ì la Alla, be ì fee le. Ate le mu ì la Mansa Baa ti, aduŋ ì ye a tentu wo la le.

1 Musa 17:7

M be n na kambeŋo londi la n niŋ i teema, aniŋ i koomalankoolu, ì jamaanoolu bee la, kambeŋ looriŋo fo abadaa, ka ke i la Alla ti, aniŋ i koomalankoolu mennu be naa ite koolaa.

Yeremiya 40:11

Yahuuda moolu mennu tarata Mowabi, Ammoni, aniŋ Edomu bankoolu kaŋ, ka taa banku koteŋ doolu bee kaŋ, wolu ye a moyi le ko Babiloni mansakewo ye moo toomaalu tu Yahuuda moolu kono Yahuuda bankoo kaŋ ne. Ì ye a moyi le fanaa ko, a ye Ahikamu dinkewo Kedaliya, Safani mamariŋo, le ke ì la kumandaŋo ti.