1 Samuweli 11:4 - Mandinka Bible

⁴ Kabiriŋ kiilaalu taata Sawulu la saatewo to Kibeya, ì ye ñiŋ kuwolu seyinkaŋ moolu ye, ì kumboota baake le.

1 Samuweli 11:4 ပူးပေါင်းရင်းမြစ်များ

1 Samuweli 10:26

Sawulu fanaa seyita a la suwo kono Kibeya. Kewolu mennu bambanta, aduŋ Alla la kuwo faata ì la, wolu le niŋ a taata.

Kiitindirilaalu 2:4

Kabiriŋ Yaawe la malaayikoo ye ñiŋ kumoolu fo Banisirayilankoolu ye, ì naata kumboo baake.

1 Samuweli 30:4

Wo to le Dawuda niŋ a la kewolu wuurita, fo ì maŋ semboo soto kotenke ka kumboo.

1 Samuweli 15:34

Bituŋ Samuweli taata Rama, Sawulu seyita a la suwo kono Kibeya.

Kiitindirilaalu 21:2

Bituŋ ì naata Beteli, ì siita Alla ñaatiliŋo la jee fo wulaaroo. Ì kumboota kendeke ka wuuri santo.

Hiburunkoolu 13:3

Ali i miira moolu la, mennu be bunjawoo kono ko niŋ ali niŋ ì be ñoo kaŋ jee le. Aduŋ ali si i miira moolu la, mennu be toora kuwolu kono ko niŋ ali niŋ ì be wo toora kiliŋo le kono.

Kalatiyankoolu 6:2

Ali ñoo la dunoo taa fo ali si Kiristu* la luwaa timmandi.

1 Korintinkoolu 12:26

Niŋ suufu kiliŋo toorata, suufoolu bee niŋ a ka toora ñoo la le. Niŋ suufu kiliŋ horomata, suufoolu bee niŋ a ka seewoo le.

Roomankoolu 12:15

Ali seewoo moolu fee, mennu be seewooriŋ. Ali kumboo moolu fee, mennu be kumboo kaŋ.

2 Samuweli 21:6

Saayiŋ, a koomalanka moo woorowula dii ǹ na, fo ǹ si ì deŋ Yaawe ñaatiliŋo la Kibeya, Yaawe la tomboŋ moo Sawulu la saatewo to.” Mansa ye ì jaabi ko, “M be ì dii la ali la le.”

1 Musa 27:38

Esawu ko a faamaa ye ko, “M faa, fo ite ye neemoo daaniñaa kiliŋ doroŋ ne noo. M faa, neemoo daani nte fanaa ye.” Bituŋ Esawu kumboo kaŋo wulita santo, a kumboota.

Kiitindirilaalu 20:26

Banisirayila la kelediŋ kafoo bee le muruta ka taa Beteli ka sii Yaawe ñaatiliŋo la jee ka kumboo. Ì sunta wo luŋ fo wulaaroo. Bituŋ ì ye jani sadaalu* bo Yaawe ñaatiliŋo la, aniŋ kayira sabatindiraŋ sadaalu.

1 Taarika 12:3

Ahiyesa le mu ì la ñaatonkoo ti, Yowasi ye a nooma, Semaa Kibeyankoo dinkewolu le mu ì ti, aniŋ Yesiyeli niŋ Peleti Asimaweti dinkewolu, Beraka, Yehu Anatotinkoo,