1 Samuweli 10:3 - Mandinka Bible

³ “Niŋ i bota jee, i be taa le fo Tabori yiri baa to. I niŋ kee saba le be beŋ na, ì ka taa sadaaboo la Alla ye Beteli. Doo be tara la baariŋ saba le samba kaŋ, doo mbuuru kuŋ saba, bituŋ doo sufuroo meŋ be faariŋ wayinoo* la.

1 Samuweli 10:3 ပူးပေါင်းရင်းမြစ်များ

1 Musa 35:3

Ali ye naa ŋà taa Beteli. M be sadaabodulaa loo la Alla ye jee le, meŋ ye m maakoyi, kabiriŋ m be bataa kono, aduŋ ate le tarata m fee, n taata dulaalu mennu bee to.”

1 Musa 35:1

Alla ko Yaakuba ye ko, “Wuli, i ye taa Beteli, i ye sabati jee. Sadaabodulaa* loo nte Alla ye jee. Jee le mu dulaa ti, m fintita i kaŋ daameŋ, kabiriŋ i be bori kaŋ i kotoomaa Esawu la.”

1 Musa 28:22

Ŋa ñiŋ beroo meŋ loo teŋ hakilibulandiraŋo ti, be ke la ite Alla la dulaa senuŋo le ti. Aduŋ i be feŋo meŋ bee dii la n na, m be a siidulaa tanjaŋo murundi la i kaŋ ne.”

1 Musa 28:19

A naata dulaa ñiŋ kumandi Beteli la, bari jee too foloo mu Lusi le ti.

Jabuuroolu 89:12

Ite le ye feŋo bee daa ka bo duniyaa tonkoŋ ka taa tonkoŋ. Jayiroo ka bo i ye Tabori niŋ Herimoni* konkoolu to le, a bee niŋ seewoo.

Kiitindirilaalu 8:18

Bituŋ a ye Seba ñininkaa aniŋ Salimunna, “Kewolu duŋ, ali ye mennu faa Tabori?” Ì ye a jaabi ko, “Kewolu mennu be ko i be ñaameŋ, komeŋ mansariŋolu.”

Kiitindirilaalu 4:12

Kibaaroo futata Sisera ma le ko, Baraki, Abinowamu dinkewo, taata Tabori Konkoo le kaŋ.

Kiitindirilaalu 4:6

A ye kiilaa kii Baraki kaŋ, Abinowamu dinkewo, ka bo Kedesi, Nafutali tundoo kaŋ. A ko a ye ko, “Yaawe, meŋ mu Banisirayilankoolu la Alla ti le ye i yaamari ko, i ye kee wuli taŋ tomboŋ ka bo Nafutali lasiloo moolu aniŋ Sebuluni lasiloo moolu kono, i ye ì ñaatonkayaa ka taa Tabori Konkoo to.

Yosuwa 19:22

Naanewo ñiŋ taata le fo a nakita Tabori Konkoo la, Sahasuma aniŋ Beti-Semesi, bituŋ a naata daŋ Yoridani Boloŋo to. Ì taata kaañaŋ saatee baa taŋ niŋ wooro le fee, ì niŋ ì dandanna saateeriŋolu.

Yosuwa 19:12

Saridi kara doo la, naanewo ñiŋ taata tilibo kara maafaŋo le la, ka taa wo la Kisiloti-Tabori tundoo kaŋ, ka tenteŋ wo la Daberati ka taa fo Yafiya.

3 Musa 23:13

Siimaŋ sadaa meŋ ñanta kafu la a ma, wo si ke fariña kendoo kilo fula ti, a niŋ tuloo ye ñaami, ali ye a bo niŋ dimbaa la nte Yaawe ye, meŋ seeroo ka n seewondi. Miŋ feŋ sadaa fanaa si kafu a ma, meŋ keta wayinoo* liitari kiliŋ ti.

3 Musa 7:13

A be kayira sabatindiraŋ sadaa meŋ bo la Alla tenturulaŋ sadaa ti, a si mbuuru kuŋolu fanaa kafu a ma, mennu ye leweñoo soto, ka ì bondi sadaa ti.

3 Musa 3:12

Niŋ i ye baa le samba naŋ ka a bondi nte Yaawe ye,

3 Musa 3:6

Niŋ i maarii be kayira sabatindiraŋ sadaa meŋ bo la nte Yaawe ye, a be bo la beeyaŋ meseŋolu le kono, i si kotoŋo waraŋ yeerewo bo, a kana sootaari soto.

3 Musa 1:10

Niŋ i maarii be jani sadaa meŋ bo la, a be bo la beeyaŋ meseŋolu le kono, meŋ keta baalu waraŋ saajiyolu ti, i si kotoŋo bo meŋ maŋ sootaari soto.

1 Samuweli 10:4

Ì be i kontoŋ na le, ì ye mbuuru kuŋ fula dii i la. Aduŋ niŋ ì ye a dii i la, i ñanta a muta la le.

Yeremiya 32:8

Bituŋ m bariŋ dinkewo Hanameli naata n kaŋ kelediŋ kantarilaalu la luwo to, ko Yaawe la kumoo ye a yitandi n na ñaameŋ. A ko n ye ko, “Dukaree n na kenoo saŋ, meŋ be Anatoti, Benjamini tundoo kaŋ, kaatu ite le mu baadiŋ sutuŋo ti meŋ ye siloo soto ka a saŋ, ka a ke i la sotofeŋo ti. A saŋ i faŋo ye.” Bituŋ ŋa a loŋ ko ñiŋ mu Yaawe la kumoo le ti.

Kiitindirilaalu 20:18

Banisirayilankoolu wulita, ì taata Beteli, ì ye Alla ñininkaa jee ko, “Ntolu kono, lasili jumaa le foloo be taa ka Benjamini lasiloo dati keloo la?” Bituŋ Yaawe ye ì jaabi ko, “Yahuuda lasiloo le ñanta a dati la.”

Kiitindirilaalu 20:27

Wo tiloolu la, Alla la Kambeŋ Kunewo* be Beteli le. Pineha, Eleyasa dinkewo, Haaruna mamariŋo, wo le tarata nuŋ piriisiyaa* la jee. Banisirayilankoolu naata Yaawe ñininkaa ko, “Fo ŋà finti kotenke baŋ, ka taa m̀ baadiŋ Benjamini lasiloo kele, waraŋ fo ǹ kana taa?” Yaawe ye ì jaabi ko, “Ali taa, saama m be ì duŋ na ali bulu le.”