1 Pita 5:5 - Mandinka Bible

⁵ Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

1 Pita 5:5 ပူးပေါင်းရင်းမြစ်များ

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

Kuma Kotoomaalu 3:34

Ñaawalilaalu, a ka jutunnayaa samba wolu le kaŋ, bari mennu ye i fammajii, a ka hiina wolu ma le.

Efesusinkoolu 5:21

Ali soŋ ñoo ma Kiristu ñaasilaŋo kamma la.

Roomankoolu 12:10

Ali ñoo kanu beteke ko baadimmaalu Kiristu kono. I mooñoo horoma ka tambi a la i horomoo la.

Filipinkoolu 2:3

Ali kana feŋ ke ali fansuŋ nafaa kamma, waraŋ ka horomoo ñini ali faŋo ye, bari ali baadiŋ Yeesu noomalankoolu muta fammajiyo niŋ horomoo kono ka tambi ali faŋolu la.

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Roomankoolu 13:14

Wo noo to ali Maarii Yeesu Kiristu* duŋ ko sitifeŋo, aduŋ ali kana bula ali la hadamadiŋyaa hame kuwolu nooma ka ali faŋolu seewondi ì la.

1 Pita 4:5

Bari ali kana ñina ko, labaŋo la ì be ì faŋolu kontibo la ate le ñaatiliŋo la, meŋ be pareeriŋ ka kendoolu niŋ furewolu kiitindi.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Hiburunkoolu 13:17

Ali soŋ ali la ñaatonkoolu ma, ali ye ì la yaamaroolu muta. Ì be ali niyolu le kanta kaŋ badaa-badaa baluwo ye, aduŋ ì ñanta ì faŋolu kontibo la le Alla ñaatiliŋo la. Ali siloo dii ì la ka wo dookuwo ke seewoo kono, ali kana ì sunundi, kaatu wo te ali nafaa la.

3 Musa 19:32

Ali si kali wuli, ka buuñaa yitandi tiikoyoolu la, aniŋ ka keebaa kotoolu horoma. Ali si sila ali la Alla la. Nte le mu Yaawe ti.

1 Pita 4:1

Wo kamma la, baawo Kiristu* toorata a balajaatoo kono le, alitolu fanaa si i muña wolu la, kaatu moo meŋ toorata a balajaatoo kono, wo maarii fatata junuboo la le.

Jabuuroolu 132:9

Allamaa tiliŋo dendikamaa ye tara dundiŋ i la piriisoolu* la, aduŋ i la moo tilindiŋolu si wuuri seewoo kamma la.

Yuuba 29:14

Tooñaa dendikamaa le ka tara dundiŋ n na, aniŋ tiliŋo warambamaa niŋ a naafamaa.

Yuuba 22:29

Ate Alla le ka faŋ wara moolu la kuwo jindi, a ye fammajiilaalu maakoyi.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

2 Taarika 6:41

“Yaawe Alla, saayiŋ wuli, i ye duŋ i la sabatidulaa to, i niŋ i la Kambeŋ Kunewo, i semboo taamanseeroo. Yaawe, kiisoo dendikamaa ye tara dundiŋ i la piriisoolu* la, i la moo senuŋolu ye seewoo i la beteyaa kamma la.

Jabuuroolu 132:16

M be kiisoo dendikamaa le duŋ na a la piriisoolu la, aduŋ a la moo tilindiŋolu be tu la wuuroo niŋ seewoo le la.

Jabuuroolu 138:6

Yaawe warata ñaa-wo-ñaa, a ka fammajiilaalu hati le, bari a ka faŋ waralaalu kekuwolu loŋ ne ka bo jamfa jaŋo to.

Esekiyeli 26:16

I la mansoolu mennu bee be baadaa borindoo la, be jii la ì la mansasiiraŋolu kaŋ ne, ì ye ì la dendika baalu niŋ ì la soobayoolu wura, aduŋ maasiiboo le be tara la ì ye karoo bee la. Ì be sii la bankoo le to duuma, ì ye tara silaŋo kono waatoo bee la, aduŋ ì bee be jaakali la le meŋ keta i la.

Luka 22:26

Bari alitolu niŋ ì maŋ ñaŋ na kiliŋyaa la. Moo meŋ na kuwo warata ali bee ti, ate si ke dindimmaa ti alitolu kono, aduŋ meŋ keta ñaatonkoo ti ali kono, wo si ke dookuulaa ti ali ye.

1 Timoti 5:1

Kana keebaa dooyaa, bari i si a yaamari ko i faamaa. Fondinkewolu yaamari ko i baadiŋolu*,

1 Pita 3:8

Labaŋo la, ali bee si ke kaŋ kiliŋ ti, aniŋ ŋaniya kiliŋ. Ali baadiŋyaa kanoo soto ñoo ye, balafaa, aniŋ fammajiyo.

Kuma Kotoomaalu 25:7

Ñiŋ ne be fisiyaa la, niŋ a ko i ye ko, “Naa jaŋ,” janniŋ a ka i malundi moo kummaalu ñaatiliŋo la. I ye kuwo meŋ je i ñaa la,

Daniyeli 11:12

Niŋ a ye ñiŋ kelediŋ kafu jamaa baa noo fokabaŋ, a be a faŋ wara la le, ñiŋ kamma la a ye kelediŋ wuliwuloolu mennu faa, bari a la nooroo te labaŋ na.