1 Pita 1:24 - Mandinka Bible

²⁴ Wo kamma la, a be safeeriŋ ne ko: “Hadamadiŋolu bee be le ko ñaamoo, ì la ñiiñaa be le ko wulakono firoo. Ñaamoo ka noro le, a firoolu ye joloŋ,

1 Pita 1:24 ပူးပေါင်းရင်းမြစ်များ

2 Mansoolu 19:26

Tuma meŋ na wo saatewolu moolu semboo banta, ì jikilateyita, aduŋ ì maluta. Ì keta le komeŋ kunkukono fiifeŋolu, aniŋ ñaama soroŋ kutoo. Ì ka munta le komeŋ ñaamoo meŋ falinta buŋo santo, meŋ ka jaa janniŋ a be meŋ na.

Yuuba 14:2

A la kuwo be le komeŋ firoo ka finti ñaameŋ, a ye naa noro. A ka yeemaŋ ne komeŋ niiniyo, a buka tu keriŋ.

Jabuuroolu 102:4

N ka munta m faŋ fee le ko ñaama jaaroo, ì ye meŋ toñonka. M buka ñaani domoroo faŋo la.

Jabuuroolu 103:15

Hadamadiŋo la baluwo ka munta le ko ñaamoo. A ka soroŋ ne komeŋ wulakono firoo,

Jabuuroolu 129:6

Allamaa ì ye ke komeŋ ñaamoo, meŋ falinta buŋo santo, meŋ ka jaa janniŋ a be meŋ na,

Jabuuroolu 37:2

Sambii ì be yeemaŋ na komeŋ ñaamoo, aduŋ ì be noro la le komeŋ fita juu kitiŋo.

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 90:5

I ka hadamadiŋolu koora le, i ye ì tambindi komeŋ siiboo. Ì ka munta le ñaamoo meŋ falinta soomandaa,

Jabuuroolu 92:7

Moo kuruŋolu ka jambandi le komeŋ ñaamoo, kuu jawu kelaalu ka firiŋ, hani wo ì be kasaara la le fereŋ.

Yesaya 51:12

Yaawe ko: “Nte, nte faŋo le ka ali sabarindi. Wo to muŋ ne ye a tinna, ali ka sila hadamadiŋo la, saayaa be meŋ kunna, hadamadiŋo meŋ maŋ ke feŋ ti fo ñaamoo?

Matiyu 6:30

Niŋ Alla ka kunkukono ñaamoolu feetoofata teŋ, mennu be baluuriŋ bii, saama ì ye fayi ka ì jani, fo a te alitolu feetoofata la ka tambi wolu la baŋ? Alitolu moo lanna dooyaariŋolu!

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.

1 Yohana 2:17

Duniyaa ka baŋ ne, a niŋ a la hame kuu jawoolu, bari moo meŋ ka Alla la lafoo ke, wo maarii be tu la baluuriŋ ne fo abadaa.