1 Musa 9:4 - Mandinka Bible

⁴ Bari ali kana suboo domo, yeloo be meŋ bala, kaatu yeloo, baluwo be wo le bala.

1 Musa 9:4 ပူးပေါင်းရင်းမြစ်များ

5 Musa 12:23

Ali ali hakiloo tu ali kana subu yelemaa domo, kaatu yeloo le mu baluwo ti. Wo kamma la ali kana baluwo niŋ suboo domo ñoo la.

5 Musa 15:23

Bari ali maŋ ñaŋ na ka ì yeloo miŋ. Ali si wo boŋ bankoo to ko ali ka jiyo boŋ ñaameŋ.

5 Musa 12:16

Bari ali kana yeloo domo, ali a boŋ bankoo to ko jiyo.

Kiilaalu 15:20

Bari ǹ ñanta a safee la ì ye le ka ì kalamutandi kuwolu la, ì ñanta fata la mennu la. Wolu le mu domori feŋolu ti, mennu noota ka bo niŋ jalaŋolu la, laañooyaa tuluŋo, subu jifariŋo, aniŋ yeloo.

3 Musa 7:26

Ali be sabatiriŋ daa-wo-daa, ali maŋ ñaŋ na kunu-wo-kunu yeloo domo la, waraŋ beeyaŋo.

Kiilaalu 15:29

Ali ñanta fata la suboo la le, meŋ bota sadaa* ti jalaŋolu ye, yeloo, subu jifariŋo, aniŋ laañooyaa tuluŋo. Niŋ ali ye ñiŋ kuwolu bula, ali be kuu betoo ke la le. Ali a baraka.”

3 Musa 3:17

Ñiŋ mu kaŋ looriŋo le ti ali ye, jamaani naalaalu bee la, ali sabatita daa-wo-daa ko, ali kono moo kana keŋo domo, waraŋ yeloo.

1 Timoti 4:4

Baawo Alla ye feŋ-wo-feŋ daa, wo beteyaata le. Wo to moo maŋ ñaŋ na balaŋ na feŋ na, bari a si a muta niŋ tenturoo la.

3 Musa 19:26

Ali kana subu yelemaa domo. Ali kana bitaaroo ke, aniŋ batuutaayaa.

Kiilaalu 15:25

Wo kamma la ǹ naata a je le ko, a beteyaata le ka kewolu tomboŋ hakili kiliŋo kono ka ì kii ali kaŋ, ì niŋ ǹ kanuntewolu Barinabas niŋ Pawulu.

5 Musa 14:21

Ali kana daafeŋolu domo mennu jifata. Ali si ì dii noo ali la tumarankewolu la le mennu be sabatiriŋ ali la saatewolu kono, ì ye ì domo, waraŋ ali ye ì waafi luntaŋ koteŋolu ma. Ali kana ì domo, kaatu alitolu mu Yaawe ali la Alla la moo senuŋolu le ti. Ali kana baariŋo waraŋ saajiiriŋo tabi a baa nonoo la.

1 Samuweli 14:32

Bituŋ ì borita ka buusi feŋolu taa, ì ye mennu buusi ì jawoolu bulu. Ì ye saajiyolu, ninsoolu aniŋ ninsiriŋolu taa, ì ye ì kanateyi wo loo to, aduŋ yeloo be suboo bala ñaa-wo-ñaa, ì ye a domo wo le ñaama.

Esekiyeli 33:25

Wo to, ite hadamadiŋo, a fo ì ye nte Yaawe, ì Maariyo ye ñiŋ ne fo ko: Ali ka subu yelemaa le domo. Ali ka ali jikoo loo ali la jalaŋolu le kaŋ, ali ye moofaalu ke. Saayiŋ, fo ali si ñiŋ bankoo keetaa noo baŋ?