1 Musa 9:1 - Mandinka Bible

¹ Alla neemata Nuha ma, aniŋ a dinkewolu. A ko ì ye ko, “Ali ke jiidilaalu ti, ali ye siyaa, ka tara duniyaa karoo bee la.

1 Musa 9:1 ပူးပေါင်းရင်းမြစ်များ

1 Musa 9:7

Ali ke jiidilaalu ti, ali ye siyaa. Ali janjaŋ duniyaa kono, ali ye a karoo bee fandi.”

1 Musa 1:28

Alla neemata ì ma, bituŋ a ko ì ye ko, “Ali ke jiidilaa ti, ali ye siyaa, ali ye duniyaa kono fandi, ali ye a mara. Ali baakono ñewolu mara, kunoolu, aniŋ niilamaa feŋ-wo-feŋ ka taama ñiŋ bankoo kaŋ.”

1 Musa 8:17

I niŋ niilamaa feŋolu mennu be i fee, ye finti naŋ: kunoolu, daafeŋolu, aniŋ feŋ-wo-feŋ, niŋ a ka kuruntu bankoo kaŋ. Ì ye siyaa, fo ì ye duniyaa karoo bee beŋ.”

1 Musa 1:22

Alla neemata ì ma, a ko, “Ali ke jiidilaalu ti, ali ye siyaa, ali ye baajiyolu kono bee fandi, aniŋ kunoolu ye siyaa duniyaa kono.”

1 Musa 24:60

Bituŋ ì ye neemoo daani ì baarimmusu Rebeka ye, ì ko a ye ko, “Allamaa i koomoo yiriwaa la, fo i si naa ke moo wuliwuloolu baamaa ti. Allamaa i koomoo ke la ì jawoolu noolaa ti.”

1 Musa 10:32

Ñinnu bee mu Nuha koomalankoolu le ti, ka bo sii ka taa sii, ko ì la kaabiiloolu be ñaameŋ. Duniyaa moolu bee bota Nuha dinkewolu le bala, Tuufaani Waamoo koolaa.

1 Musa 2:3

Alla neemata tili woorowulanjaŋ luŋo ma, aduŋ a ye a kuliyaa. Kaatu ate mu luŋ ne ti, luŋo meŋ Alla ye i dahaa daaroo bee la, a tarata meŋ ke kaŋ.

Jabuuroolu 112:1

Ali Yaawe* jayi. Barakoo be moo le ye meŋ ye Yaawe ñaasilaŋo soto, meŋ ka seewoo baake a la yaamaroolu mutoo la.

1 Musa 9:19

Duniyaa moolu bee bota Nuha ñiŋ dinkee saboo le bala.

1 Musa 9:2

Duniyaakono daafeŋolu bee be sila la ali la le: kunoolu, kuruntu feŋolu aniŋ baakono ñewolu. Ì bee be tara la ali la maroo le koto.

1 Musa 35:11

Alla tententa ka a fo a ye ko, “Nte le mu Alla Tallaa ti. I be ke la jiidilaa le ti, i koomoo ye siyaa. Lasili jamaa le be bo la i bala, aduŋ mansoolu be bo la ite le bala.