1 Musa 6:7 - Mandinka Bible

⁷ Bituŋ Yaawe kumata ko, “M be hadamadiŋolu bee bondi la duniyaa kono le, ŋa mennu daa, aniŋ daafeŋolu, kuruntu feŋolu, aniŋ kunoolu. N na ì daa keta m fee le.”

1 Musa 6:7 ပူးပေါင်းရင်းမြစ်များ

Sefaniya 1:3

Hadamadiŋ wo, beeyaŋ wo, kunu wo, ñee wo, m be ì bee le bondi la duniyaa kono, ŋa moo kuruŋolu la kuwo jindi. M be hadamadiŋolu bee le kasaara la. Nte Yaawe le ye a fo.

Jabuuroolu 37:20

Yaawe be moo kuruŋolu kasaara la le. A jawoolu be ke la le komeŋ wulakono firoo, ì be yeemaŋ na le komeŋ siisiyo.

Kuma Kotoomaalu 16:4

Yaawe ye feŋolu bee daa daliiloo le kamma, hani moo jawoo be a fansuŋ luŋo soto la le.

Kuma Kotoomaalu 10:27

Yaawe ñaasilaŋo ka moo so siimaayaa le la, bari moo kuruŋolu ka sii dooyaa le soto.

Hoseya 4:3

Wo le ye a tinna bankoo be kumboo kaŋ, a siilaalu be koririŋ, ì niŋ wulakono daafeŋolu niŋ kunoolu, hani baakono ñewolu be kasaara kaŋ ne.”

1 Musa 6:6

Wo kuwo ye a tinna Yaawe sunutoo nimisata ka hadamadiŋo daa duniyaa kono. Wo naata a niyo kuyandi.

1 Musa 7:4

Tili woorowula ñaato, m be sanjiyo jindi la naŋ duniyaa kono fo tili taŋ naani aniŋ suuto taŋ naani, aduŋ ŋa niilamaa feŋ-wo-niilamaa feŋ daa, m be ì bee le kasaara la ka bo duniyaa bankoo kaŋ.”

1 Musa 7:21

Niilamaa feŋ-wo-feŋ tarata baluuriŋ duniyaa kono, bee le faata: kunoolu, beeyaŋolu, aniŋ wulakono daafeŋolu, aniŋ daafeŋ toomaalu bee ka taa bula fo hadamadiŋolu la.

1 Musa 8:21

Kabiriŋ Yaawe ye ñiŋ seera diimaalu seeroo taa, a ko a faŋ ye ko, “N te bankoo danka la kotenke hadamadiŋolu la kuwo kamma. Miiroo meŋ ka tara hadamadiŋo sondomoo kono, ka bo a la dindiŋyaa waatoo la, ka ke miira jawoo le ti. Aduŋ n te niilamaa feŋolu bee fanaa kasaara la kotenke ko ŋa meŋ ke teŋ.

5 Musa 28:63

Aduŋ ko a keta Yaawe ye seewoo ti ñaameŋ ka ali so firiŋo la aniŋ ka ali yaatewo siyandi, wo ñaa kiliŋo la, a be ke la a ye seewoo le ti ka mantooroo jurumi ali kaŋ ka ali kasaara. A si naa ali wutundi ka ali bondi bankoo kaŋ, ali be naa duŋ na daameŋ ka ke ali taa ti.

5 Musa 29:20

Yaawe te yamfa la wo moo siifaa ye, a la kamfaa be mala la a kaŋ ne ko dimbaa. Dankoolu bee mennu be safeeriŋ ñiŋ kitaaboo kono be laa la a kaŋ ne, Yaawe si a too buruka ñiŋ duniyaa kono.

1 Samuweli 15:11

“Nte nimisata le, ka Sawulu ke mansa ti. A ye a koo dii n na le, aduŋ a maŋ n na yaamaroolu muta.” Samuweli kamfaata, aduŋ suutoo muumee kono a tuta Yaawe daani la Sawulu la kuwo la le.

Amosi 7:3

Yaawe bala naata faa a ko, a ye a baayi le.

Amosi 7:6

Maarii Yaawe bala naata faa a ko, a ye ñiŋ fanaa baayi le.

Sefaniya 1:2

Yaawe ko: “Feŋ-wo-feŋ be duniyaa kono, m be a bee le bondi la jee.

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.