1 Musa 6:3 - Mandinka Bible

³ Bituŋ Yaawe* kumata ko, “N na niyo te tu la hadamadiŋo bala fo abadaa. A balajaatoo mu suboo le ti, aduŋ a ka faa le. M be a siyo talaa la le fo sanji keme sanji muwaŋ.”

1 Musa 6:3 ပူးပေါင်းရင်းမြစ်များ

1 Musa 6:2

Alla dinkewolu* naata a je ko, ñiŋ dimmusoolu ye alihaali betoolu le soto. Ñinnu kono, meŋ-wo-meŋ na kuwo ye ì ñaabo, ì ye wo taa le ka ke ì la musoolu ti.

Nehemiya 9:30

I la kanu bambaloo kaŋ, i tarata muñariŋ ì ye le fo sanji jamaa, aduŋ i ye ì dandalaa niŋ i la Nooroo la le, ka bo niŋ i la annabiyomoolu la, bari ì maŋ i lamoyi fereŋ. Bituŋ i ye ì duŋ ì dandanna bankoo moolu bulu.

Jabuuroolu 78:39

Kaatu a ye a loŋ ne ko ì mu hadamadiŋolu doroŋ ne ti, ì munta le ko foñoo meŋ ka fee, a ye tambi, a te muru la naŋ fereŋ.

Jabuuroolu 90:10

Ǹ siyo daŋo mu sanji taŋ woorowula le ti, waraŋ niŋ m̀ bambanta, sanji taŋ seyi, hani wo, ì bee mu bataa niŋ mantooroo le ti. Kataba kiliŋ ì si baŋ, ŋà yeemaŋ.

Yesaya 5:4

N si muŋ ne ke noo n na kankaŋo ye kotenke, ka tambi ŋa ñiŋ meŋ ke a ye teŋ? M be n yillaariŋ yiridiŋ betoo le la, muŋ ne ye a tinna, a ye kuniyaariŋo wuluu?

Yesaya 57:16

Wo to, n te tu la moo tuumi la fo abadaa, sako ka tu kamfaa la. Niŋ wo nte, hadamadiŋo te semboo soto la kotenke ka baluu, m faŋo ye moolu mennu daa, ì si faa.

Yesaya 63:10

Hani wo ì balanta le, a la Noora Kuliŋo naata sunu ì la kuwo la. Wo to le Alla fanaa yelemata, a naata ke ì jawoo ti, a faŋo ye ì kele.

Yeremiya 11:11

Wo kamma la Yaawe ye ñiŋ ne fo ko, “A juubee, m be kuu jawoo le naati la ì kaŋ ì te kana noo la meŋ ma. Hani ì si kumboo n ye, n te n lamoyi la ì la.

Yeremiya 11:7

Ka bo waatoo meŋ na ŋa ali mumuñolu bondi naŋ Misira bankoo kaŋ ka naa bula fo bii la, n tuta ì dandalaa la le doroŋ, ka a fo ì ye ko, ì ye soŋ m ma.

4 Musa 11:17

M be naa diyaamu la i ye jee le to. Ŋa Nooroo meŋ jindi i kaŋ, m be doo taa la le ŋa a dii itolu fanaa la. Ì be i maakoyi la le ka dunoo ñiŋ taa, i si a je a te tara la i dammaa kuŋo kaŋ.

Yohana 3:6

Meŋ wuluuta balajaatoo la, wo mu balajaatoo le ti, aduŋ meŋ wuluuta Nooroo la, wo mu nooroo le ti.

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

1 Tesalonikankoolu 5:19

Ali kana balaŋ Noora Kuliŋo ma,