1 Musa 5:5 - Mandinka Bible

⁵ Adama siyo bee taata kaañaŋ sanji keme kononto sanji taŋ saba le fee. Bituŋ a naata faa.

1 Musa 5:5 ပူးပေါင်းရင်းမြစ်များ

1 Musa 5:11

Enosi siyo bee taata kaañaŋ sanji keme kononto sanji luulu le fee. Bituŋ a naata faa.

1 Musa 5:8

Seti siyo bee taata kaañaŋ sanji keme kononto sanji taŋ niŋ fula le fee. Bituŋ a naata faa.

2 Samuweli 14:14

Ntolu bee ñanta faa la le. Ntolu ka munta le ko jiyo, meŋ bonta bankoo to, meŋ te kafu noo la ñoo ma kotenke. Bari Alla te niyo bo la, a be feeroolu le miira la, i si a je, moo meŋ be luwaa la mutoo kono, si muruŋ a la karoo la kotenke.

1 Musa 3:19

I be kali la tara la le foloo, janniŋ i be feŋ soto la ka a domo, fo janniŋ i be seyi la ka ke bankoo ti kotenke, i daata meŋ na. I daata bankumunkoo le la, aduŋ i be labaŋ na ke la bankumunkoo le ti.”

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Esekiyeli 18:4

Ali si ñiŋ loŋ ko, moo-wo-moo niyo be nte Yaawe le bulu. Wuluulaa niŋ a diŋo bee mu n taa le ti. Moo-wo-moo ye junuboo ke, wo le be faa la.

Kawandilaa 12:7

bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Kawandilaa 12:5

I hakiloo ye bula a la, janniŋ waatoo ka sii, waatoo meŋ, moo ka sila seloo la, aduŋ siloo kaŋ fanaa, sondome silaŋ kuwolu le be tara la jee, waatoo meŋ, alimondi* yiroo be tara la faariŋ firoolu la, jatatoŋo be kuruntu la, hame kuwolu bee si yomfa. Hadamadiŋo fele, a ka taa a la suu labaŋo to, saŋakumboolaalu ye tara mbeedoolu kaŋ taariŋ.

Kawandilaa 9:5

Moo-wo-moo be a niyo la, wo ka i yillaa saayaa ma le, bari furewo, wo buka feŋ ne kalamuta. Ì buka duniyaa tinee soto kotenke, aduŋ hani ì la kuwo miiroo faŋo, bee le ka naa fili fereŋ.

Jabuuroolu 90:10

Ǹ siyo daŋo mu sanji taŋ woorowula le ti, waraŋ niŋ m̀ bambanta, sanji taŋ seyi, hani wo, ì bee mu bataa niŋ mantooroo le ti. Kataba kiliŋ ì si baŋ, ŋà yeemaŋ.

Jabuuroolu 89:48

Moo jumaa le si baluu a ye kaari saayaa ma? Jumaa le si a faŋ tanka noo kaburoo ma? S

Yuuba 30:23

Ŋa a loŋ ne ko, i be n samba kaŋ naŋ saayaa le kaŋ, dulaa, niilamaa bee be labaŋ na daameŋ.

Kawandilaa 9:8

I la dendika baa kali tu koyiriŋ doroŋ, i kana soŋ tulu seeralaa kali manki i kuŋo to.

5 Musa 30:20

Ali Yaawe ali la Alla kanu, ali ye a la kumoo muta, ali ye i deŋ a la. Wo le be baluwo niŋ siimaayaa dii la ali la, ali si tu sabatiriŋ bankoo kaŋ, Yaawe kalita ali mumu Iburayima, Isiyaaka aniŋ Yaakuba ye, ka daameŋ dii ì la.

1 Musa 5:4

Adama la Seti wuluuriŋ koolaa, a baluuta le fo sanji keme seyi. Wo waatoo kono le mu, a naata dinkee koteŋolu niŋ dimmusoolu soto.

1 Musa 5:6

Kabiriŋ Seti siyo be sanji keme sanji luulu, a naata diŋo soto, meŋ mu Enosi ti.

1 Taarika 1:1

Adama le ye Seti wuluu, Seti ye Enosi wuluu, Enosi ye Kenani wuluu,