1 Musa 5:3 - Mandinka Bible

³ Kabiriŋ Adama siyo be sanji keme sanji taŋ saba, a ye dinkewo soto, meŋ mulunta ko a faŋo, ate faŋo sawuroo be ñaameŋ. Bituŋ a naata a toolaa Seti la.

1 Musa 5:3 ပူးပေါင်းရင်းမြစ်များ

1 Musa 4:25

Adama niŋ a la musoo kafuta kotenke. A ye dinkewo wuluu a la, a ye a toolaa Seti la. A kumata ko, “Alla ye diŋo doo le dii n na, meŋ seyita Haabiila noo to, Kaabiila ye meŋ faa.”

Efesusinkoolu 2:3

M̀ fanaa nene tarata wo moolu kono le nuŋ ka m̀ balajaatoolu la hame kuwolu nooma. Ǹ tarata sondiŋ m̀ balajaatoolu niŋ ǹ na niidiyaa kuwolu le la. Wo kamma la, ǹ niŋ ǹ na hadamadiŋyaa mankutoo keta kasaaroo diŋolu le ti, ko hadamadiŋ koteŋolu bee be ñaameŋ.

1 Korintinkoolu 15:39

Baloolu bee maŋ ke balajaata siifaa kiliŋ ti. Moolu ye balajaata siifaa kiliŋ ne soto, beeyaŋolu ye siifaa doo soto, kunoolu ye doo soto, ñewolu fanaa ye siifaa koteŋ ne soto.

Roomankoolu 5:12

Junuboo naata duniyaa kono ka bo niŋ moo kiliŋ ne la, aduŋ junuboo le ye saayaa saabu, meŋ naata hadamadiŋolu bee kaŋ, kaatu ì bee le ye junuboo ke.

Yohana 3:6

Meŋ wuluuta balajaatoo la, wo mu balajaatoo le ti, aduŋ meŋ wuluuta Nooroo la, wo mu nooroo le ti.

Luka 1:35

Wo to le malaayikoo ko a ye ko, “Noora Kuliŋo be naa la i kaŋ ne, aduŋ Alla Mansa Tallaa la semboo be i muuri la le. Wo kamma la, i be diŋo meŋ wuluu la, a seneyaata le, aduŋ a be kumandi la Alla Dinkewo* le la.

Jabuuroolu 51:5

Nte wuluuta junuboo le kono, ŋa junuboo soto le kabiriŋ m baa ye n konoo taa.

Yuuba 25:4

Hadamadiŋo si tiliŋ noo Alla ñaa koto ñaadii le? Musoo ye moo meŋ wuluu, wo maarii si seneyaa noo ñaadii?

Yuuba 14:4

Hadamadiŋo maŋ seneyaa, feŋ senuŋ si bo noo a bala ñaadii le?

Luka 3:36

Sela mu Kayinani dinkewo le ti. Kayinani mu Aripakisadi dinkewo le ti. Aripakisadi mu Semu dinkewo le ti. Semu mu Nuha dinkewo le ti. Nuha mu Lameki dinkewo le ti.

1 Korintinkoolu 15:49

Baawo ǹ wuluuta wo moo sawuroo le la, meŋ dadaata niŋ bankumunkoo la, wo to m̀ be moo fanaa sawuroo soto la le, meŋ bota naŋ Alla yaa.

1 Musa 5:2

A ye ì daa musoo niŋ kewo ti, a neemata ì ma, a ye ì toolaa moo la, kabiriŋ a ye ì daa.

1 Musa 5:4

Adama la Seti wuluuriŋ koolaa, a baluuta le fo sanji keme seyi. Wo waatoo kono le mu, a naata dinkee koteŋolu niŋ dimmusoolu soto.