1 Musa 48:5 - Mandinka Bible

⁵ Wo kamma la, i dinkee fuloo, Efurayimu aniŋ Manase, i ye mennu wuluu Misira, janniŋ n ka naa jaŋ, be nte le la karoo la. M be ì ke la le komeŋ m faŋo dinkewolu, komeŋ Rubeni niŋ Simeyoni be n ye ñaameŋ.

1 Musa 48:5 ပူးပေါင်းရင်းမြစ်များ

Yosuwa 14:4

Yusufa dinkee fuloo koomalankoolu le talaata lasili fula ti, mennu mu Manase aniŋ Efurayimu* ti. Lewi lasili moolu, wolu maŋ nii soto bankoo ñiŋ to, fo ì ye saatewolu mennu doroŋ soto, ka tara sabatiriŋ jee. Aduŋ ì ye dulaalu fanaa soto le, ka ì la beeyaŋolu daañini jee.

1 Musa 46:20

Yusufa ye dinkee fula le soto Misira, Manase aniŋ Efurayimu*. A ye ì wuluu Asenati le la, Potifera, Oni saatewo piriisoo*, dimmusoo.

2 Korintinkoolu 6:18

aduŋ m be ke la ali Faamaa ti, ali be ke la n dinkewolu ti, aniŋ n dimmusoolu.’ Alla Mansa Tallaa ye wo le fo.”

Yosuwa 13:7

Saayiŋ, ñiŋ bankoo talaa keetaafeŋo ti lasili konontoo teema, aniŋ Manase lasili talanteemoo.”

Efesusinkoolu 1:5

a ye ǹ tomboŋ ne biriŋ waati jaŋ ka ke a diŋolu ti ka bo niŋ Yeesu Kiristu la. A ye ñiŋ ke ka bo niŋ a faŋo la natoo le la,

Malaki 3:17

Yaawe Alihawaa Maariyo ye ñiŋ ne fo ko, “Tooñaa luŋo m be meŋ parendi kaŋ naŋ, itolu le be ke la n na moo kummaalu ti komeŋ sanoo niŋ luuluwo. M be hiina la ì ye le, ko faa ka hiina a dinkewo ye ñaameŋ, meŋ ye a batu.

Esekiyeli 16:8

“N naata tambi i maafaŋo la kotenke, a fele, ŋa a je ko, i siita futuwo ma le. Ŋa n na waramboo tuloo muuri i kaŋ ka i sutura. Ŋa m faŋo londi i ye, n niŋ i ye kambeŋo siti, i keta n taa ti.” Maarii Yaawe le ye a fo.

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

4 Musa 1:10

Elisama, Ammihudi dinkewo, ka bo Efurayimu* lasiloo kono. Kamaliyeli, Pedaasuri dinkewo, ka bo Manase lasiloo kono. Efurayimu niŋ Manase mu Yusufa dinkewolu le ti.

3 Musa 20:26

Ali ñanta le ka seneyaa ka tara n na karoo la, kaatu nte Yaawe seneyaata le. Wo kamma la ŋa ali tomboŋ ne ka ali niŋ banku koteŋ moolu fatandi, fo ali si ke n taa ti.

Hiburunkoolu 11:21

Ka bo niŋ lannoo le la, Yaakuba fanaa ye Alla la neemoo daani Yusufa dinkewolu ye, kabiriŋ saayaa sutiyaata a la. A tintinta a la taamaraŋ dokoo kuŋo le kaŋ, biriŋ a be duwaa la ì kiliŋ-kiliŋ naa ye.

1 Musa 48:1

Ñiŋ kuwo koolaa, ì naata a fo Yusufa ye ko, “I faamaa saasaata le.” Wo le to a niŋ a dinkee fuloo, Manase niŋ Efurayimu*, taata ñoo la.

1 Musa 48:6

I ye diŋolu mennu wuluu itolu koolaa, wolu be tara la i faŋo la karoo le la. Ì la keetaabankoo be bo la Efurayimu niŋ Manase la karoo le la.

Esekiyeli 47:13

Maarii Yaawe ye ñiŋ ne fo n ye ko: “Niŋ ali be bankoo talaa la Banisirayila lasili taŋ niŋ fuloo teema, ka ke ì ye keetaafeŋo ti, a talaañaa aniŋ a naanewolu ñanta ke la teŋ ne: Yusufa lasiloo ñanta siidulaa fula le soto la.

Jabuuroolu 77:16

Kooni Alla, biriŋ baajiyolu ye i je ì silata le, fankaasoo diinoŋñaalu jarajarata le.