1 Musa 48:10 - Mandinka Bible

¹⁰ Saayiŋ Isirayila ñaalu ka dibi a ma le keebaayaa kamma la, a buka jeroo ke noo baake. Wo le to Yusufa ye ì samba naŋ a daala, a ye i miniŋ ì la, a ye ì sumbu.

1 Musa 48:10 ပူးပေါင်းရင်းမြစ်များ

1 Musa 27:27

Wo le to a sutiyaata a la, a ye a sumbu. Kabiriŋ Esawu nooroo laata Isiyaaka kaŋ, ka bo niŋ a la duŋ feŋolu la, a ye Alla daani neemoo la Yaakuba ye, a ko, “N diŋo, i nooroo ka muluŋ ne ko kunkoo, Yaawe ye meŋ neemandi.

1 Musa 27:1

Kabiriŋ Isiyaaka kotoota, a ñaa mutata le, fo a buka jeroo ke noo. A ye a dinkee keebaa Esawu kumandi, a ko a ye ko, “N diŋo!” Esawu ko a ye ko, “M fele jaŋ!”

Yesaya 59:1

Tooñaa-tooñaa, Yaawe* buloo be sii la ali la le ka ali kiisa, a tuloo fanaa maŋ kuyaa ka ali moyi.

Yesaya 6:10

Ñiŋ moolu sondomoolu suki, i ye ì tuloo kuyandi aniŋ i ye ì ñaa finkindi. Niŋ wo nte, ì si jeroo ke niŋ ì ñaalu la le, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, ì ye naa yelema, ì ye kendeyaa.”

1 Mansoolu 19:20

Bituŋ Elisa ye a la seneninsoolu bula teŋ ne, a borita Eliya nooma a ko a ye ko, “Dukaree m batu ŋa muru ka taa m baamaa niŋ m faamaa sumbu ka sara ì la, n si naa bula i nooma.” Eliya ko a ye ko, “Muru i ye taa, nte maŋ balaŋ i ma.”

1 Samuweli 4:15

Eli tarata nuŋ sanji taŋ kononto niŋ seyi le, aduŋ a ñaalu finkita le.

1 Samuweli 3:2

Suuto kiliŋ Eli meŋ ñaalu lafita ka dibi, be laariŋ nuŋ a la dulaa kiliŋo to.

1 Musa 45:15

A wo kumbootoo taata a kotooñolu kaŋ, a ye ì sumbu. Bituŋ wo le koolaa, ì naata diyaamu noo a ye.

1 Musa 31:55

Soomandaa juunoo, Labani wulita, a ye a mamariŋolu sumbu aniŋ a dimmusoolu, a ye neemoo daani ì ye. Bituŋ a wulita ka seyi suwo kono.

1 Musa 48:8

Kabiriŋ Isirayila ye Yusufa dinkewolu je, a kumata ko, “Jumaa le mu ñinnu ti?”

1 Musa 48:11

Isirayila ko Yusufa ye ko, “N nene maŋ a miira ko, n si i je kotenke. Alla fele, a ye n jerendi i diŋolu faŋolu la.”

5 Musa 34:7

Musa siyo be nuŋ sanji keme, sanji muwaŋ biriŋ a be bele la, a ñaa maŋ muta, aduŋ a jaatoo be bambandiŋ a ñaama.

Kawandilaa 12:3

I hakiloo ye bula a la, janniŋ waatoo ka sii, waatoo meŋ, bundaa kantalaalu be jarajara la, kee bambandiŋolu koo be ŋoobi la, tuurilaalu be tuuroo bula la, kaatu dantaŋ doroŋ ne be tara la ì kono, waatoo meŋ, palanteeri yoofiirilaalu la jeroo be dibi la.