1 Musa 41:41 - Mandinka Bible

⁴¹ Firawoona ko Yusufa ye ko, “A fele, ŋa i marandi Misira bankoo bee le ma.”

1 Musa 41:41 ပူးပေါင်းရင်းမြစ်များ

Matiyu 28:18

Yeesu naata ì kaŋ, a diyaamuta ì ye ko, “Kaŋo bee diita nte le la, duniyaa niŋ Arijana.

Daniyeli 6:3

A maŋ hani mee Daniyeli ye a la dookuu noo yitandi ka tambi kuntii doolu la, aniŋ kumandaŋolu, kaatu a keta moo hakilimaa baa le ti. Bituŋ mansa lafita ka a ke a la mansamarali bankoo bee la kuntiyo ti.

1 Musa 42:6

Yusufa le tarata kantiiyaa la Misira bankoo kaŋ. Ate le ka siimaŋo waafi moolu bee ma bankoo kaŋ. Bituŋ a kotooñolu naata a kaŋ, ì ñoyita a ye duuma.

Kuma Kotoomaalu 22:29

Fo i maŋ moo je meŋ buloo koyita a la dookuwo to? A be dookuwo ke la mansoolu le ye, bari a te ke la moo koteŋ kenseŋolu ti.

Kuma Kotoomaalu 17:2

Joŋo meŋ ñaamenta a la dookuwo kono, be dinkee fuuriŋo mara la le, aduŋ a niŋ a maarii la dimbaayaa be kaañaŋ na keetaafeŋo to le.

Esita 10:3

Moridekayi le tarata Mansa Ahasuweru nooma. Ate le ye semboo soto Yahuudoolu bee kono, aduŋ a mooñoo Yahuudoolu ye a buuñaa le, kaatu a ka dookuu betoo le ke a la moolu ye, aduŋ a ka diyaamu le ka ì bee la kuwo topatoo.

1 Musa 41:44

Firawoona ko Yusufa ye ko, “Nte le mu Firawoona ti, bari feŋ te ke la Misira kono i la duñoo kooma, aduŋ moo te kuu ke noo la i kooma Misira kono jaŋ.”

1 Musa 39:22

Bunjawuto maralaa kuntiyo naata Yusufa marandi bunjawutonkoolu bee ma, mennu be bunjawoo ñiŋ kono jee. Feŋ-wo-feŋ ñanta ke la jee, a ka taa niŋ a la maafaŋo le la.

1 Musa 39:5

Ka bo waatoo meŋ na, a ye a marandi a la buŋo kuwo ma, aniŋ ka a marandi a sotofeŋo bee ma, Yaawe ye neema ke a la buŋo ma le Yusufa la kuwo kaŋ. Yaawe la neemoo tarata a sotofeŋo bee le kaŋ, buŋo kono aniŋ kunkoo to.

Kiilaalu 7:10

a ye a bondi a la toora kuwolu bee kono. A ye buuñaa niŋ ñaameŋo dii Yusufa la Firawoona ñaatiliŋo la, Misira mansakewo. Firawoona ye Yusufa ke maralilaa ti Misira bankoo kaŋ, aniŋ a la buŋo bee kono.

Jabuuroolu 105:21

A ye Yusufa le marandi a la mansabuŋo ma, aduŋ a ye a ke maralilaa ti a la marafeŋolu bee kunna.

Kawandilaa 4:14

Ñiŋ fondinkeeriŋo wuluuta fuwaareyaa kono ñaa-wo-ñaa wo mansamarali bankoo kaŋ, a si bo noo bunjawoo to le, a ye naa ke mansakewo ti.

1 Musa 45:8

Wo to a maŋ ke alitolu ti, meŋ ye n sii jaŋ, bari Alla. Ate le ye n ke Firawoona ye yaamarilaa ti, ka m marandi a la mansabuŋo bee ma, aniŋ ka n ke maralilaa ti Misira bankoo bee kaŋ.

Daniyeli 2:48

Bituŋ mansa ye palaasi horomariŋ baa dii Daniyeli la, a ye buuñaa feŋ baalu dii a la, aduŋ a ye a marandi Babiloni tundoo bee ma. A ye ate le tomboŋ fanaa ka tara marariŋ Babiloni moo ñaamendiŋolu bee la kuwolu ma.