1 Musa 40:4 - Mandinka Bible

⁴ Bituŋ kantarilaa kuntiyo ye Yusufa ke ì kunna ka ì topatoo. Ì naata mee bunjawoo kono.

1 Musa 40:4 ပူးပေါင်းရင်းမြစ်များ

Jabuuroolu 37:5

I faŋ seyi Yaawe ma, i ye laa a la, aduŋ a be i maakoyi la le.

1 Musa 39:1

Kabiriŋ Isimayila koomalankoolu ye Yusufa samba Misira, Misira kewo doo le ye a saŋ ì bulu, ì ka a fo meŋ ye ko, Potifa. Potifa mu Firawoona la mansakundaa dookuulaa le ti, a kantalaalu la ñaatonkoo.

1 Musa 37:36

Juloolu ye Yusufa waafi Misira, Firawoona la mansakundaa dookuulaa doo ma, meŋ mu Potifa ti, mansa kantalaalu la ñaatonkoo.

1 Musa 40:3

A ye ì soroŋ a la kantarilaa kuntiyo la dulaa to, bunjawoo kono jee, ì ye Yusufa fanaa soroŋ wo le to.

1 Musa 40:5

Suuto kiliŋ naata soto, ñiŋ moo fuloo, Misira mansa la mindaŋ sambalaa niŋ mbuuru janilaa, ì bee naata siiboo. Ì kiliŋ-kiliŋ naa la siiboo ye kotoo le soto.

1 Musa 42:17

A ye ì bee soroŋ bunjawoo kono fo tili saba.