1 Musa 39:9 - Mandinka Bible

⁹ A maŋ a faŋ wara n ti ñiŋ buŋo kono, aduŋ a maŋ feŋ siyaa n ti fo ite, kaatu i mu a la musoo le ti. Nte si ñiŋ kuu jawu baa ke noo ñaadii le, ŋa junube kuwo soto Alla la karoo la?”

1 Musa 39:9 ပူးပေါင်းရင်းမြစ်များ

2 Samuweli 12:13

Wo to le Dawuda ko Natani ye ko, “Ŋa junube kuwo le ke Yaawe la.” Natani ye a jaabi ko, “Yaawe ye i la junuboo kafari le. I maŋ taa faa la.

1 Musa 42:18

Tili sabanjaŋo, a ko ì ye ko, “Nte mu Alla ñaasilannaa le ti. Ali be baluwo soto la le, niŋ ali ye ñiŋ ke:

1 Musa 20:6

Bituŋ Alla ko a ye siiboo kono ko, “Haa, ŋa a loŋ ne ko, i maŋ tawu ka ñiŋ kuwo ke. Bari nte faŋo le ye i tanka ka junube kuwo ke. Wo kamma la m maŋ soŋ, i niŋ a ye kafu.

1 Yohana 3:9

Moo meŋ wuluuta Alla la, wo buka tenteŋ junube kewo la, kaatu Alla mankutoo ka tu sabatiriŋ a kono le. Wo kamma la, a te tu la junube kewo la, kaatu a wuluuta Alla le la.

Luka 12:48

Bari dookuulaa meŋ maŋ a maariyo la lafoo loŋ, a ye kuwolu ke, a si buuteeroo soto mennu la, a la buuteeroo te jawuyaa la. Moo-wo-moo, jamaa diita meŋ na, jamaa le be ñininkaa la a bulu, aduŋ moo-wo-moo, jamaa karafata meŋ na, jamaa le be ñininkaa la a bulu.

Jabuuroolu 51:4

Ŋa junube kuwo ke ite doroŋ ne la, aduŋ ŋa kuu le ke meŋ jawuyaata i ñaa koto. Wo kamma la i boloota le ka kiitiyo laa n kaŋ, aduŋ i la kiitiyo maŋ sootaari soto.

1 Korintinkoolu 4:2

Bari niŋ feŋ karafata dookuulaa ma, a maarii ñanta foroyaa la le.

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Yeremiya 28:16

Wo kamma la Yaawe ye ñiŋ ne fo ko, a be i bo la duniyaa le. I be faa la ñiŋ saŋo faŋo le la, kaatu i ye kuma le fo ka moolu balandi Yaawe ma.”

Yuuba 31:23

Bari n nene maŋ ñiŋ kuu siifaalu doodoo ke, kaatu n silata Alla la jarabiroo le la, aduŋ m maŋ haañi a la sembe waroo la.

2 Samuweli 11:27

Biriŋ saŋo tambita, Dawuda ye kiilaa kii, ka a samba naŋ a la suwo kono, ka a ke a la musoo ti, aduŋ a naata dinkewo wuluu a la le. Bari Dawuda ye kuwo meŋ ke, wo maŋ diyaa Yaawe* ye.

4 Musa 32:23

“Bari niŋ ali maŋ ñiŋ ke, ali be junuboo le soto la Yaawe la karoo la, aduŋ ali si ñiŋ loŋ ko ali be daa-wo-daa, ali la junuboo jaraboo be ali tara la le.

3 Musa 6:2

A si ke moo ye junube kuwo ke nte Yaawe la ka bula n kasi daa, a ye a ñoŋ Banisirayilankoo neenee, ka a la feŋo taa a ye a karafa meŋ na, waraŋ a ye feŋo meŋ tu a bulu ka a juubee a ye. A si ke noo fanaa a ye a la feŋo suuñaa, waraŋ ka a nakari.

Kuma Kotoomaalu 6:32

Moo meŋ ka jeenoo ke, mu hakilintaŋo le ti, moo meŋ ka a ke, a ka a faŋo le kasaara.

Nehemiya 5:15

Nte siŋo be kumandaŋolu mennu bee kaŋ, wolu ye duni kuliŋo le laa moolu kaŋ. Ì ka moolu kaniŋ domoroo niŋ wayinoo la le, aduŋ ì ka kodiforo kuntu taŋ naani le taa ì bulu luŋ-wo-luŋ. Ì la maakoyirilaalu fanaa ye dunoo le laa moolu kaŋ. Bari Alla ñaasilaŋo le ye a tinna nte maŋ maa wo ñaama.

Lankenemoo 22:15

Bari wuloolu niŋ batuutaatiyolu le be a banta la, ì niŋ laañooyaa tulunnaalu, moofaalaalu, jalambatulaalu, aniŋ moolu mennu ye faniyaa foo kanu, aduŋ ì ka loo wo kaŋ.

Hiburunkoolu 13:4

Futuwo si buuñaa alitolu bee kono, aduŋ futuu laaraŋo si seneyaa futuuñoomaalu teema. Alla le be laañooyaa tulunnaalu niŋ jeenelaalu kiitindi la.

Titus 2:10

waraŋ ka hani ì la feŋolu suuñaa. Wo noo to, ì ñanta maañaa betoo le soto la, meŋ si ì la timmoo yitandi foroyaa to. Ka bo niŋ wo siloo la, karandiroo Alla la kuwo to, meŋ mu ǹ na Kiisandirilaa ti, si moolu ñaabo.

Kuma Kotoomaalu 6:29

Ñiŋ ne mu wo moo ti, meŋ niŋ wandi musoo ka i laa, moo-wo-moo maata a la, fo a si bula bataa kuwo kono.

Nehemiya 6:11

Ŋa a jaabi ko, “Kewo meŋ be ko nte si bori baŋ? Wo koolaa, moo meŋ be ko nte si taa noo Alla Batudulaa Buŋo kono baŋ, ka n niyo tankandi? N te taa.”

3 Musa 20:10

Niŋ kee meŋ niŋ a ñoŋ kee doo la musoo ye jeenoo ke, wo kewo niŋ wo musoo bee ñanta le ka faa.

1 Musa 41:40

M be ite le marandi la n na mansabuŋo ma, aduŋ n na moolu bee be taama la i la kaŋo le la. N na mansayaa doroŋ ne be n semboo warandi la i ti.”

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

1 Musa 24:2

Bituŋ a ko a la suukono dookuulaa kuntiyo ye, meŋ marata a la feŋolu bee ma ko, “I buloo laa n kenoo kaŋ,

1 Musa 20:3

Bari suutoo, Alla naata finti Abimeleki kaŋ siiboo kono. A ko a ye ko, “I be faasiloo le kaŋ musoo la kuwo kaŋ, i ye meŋ taa, kaatu musu futuuriŋo le mu.”

1 Musa 13:13

Sodomunkoolu mu moo jawu baalu le ti, ì ka tu junuboo ke la Yaawe ñaatiliŋo la.

1 Musa 20:9

Bituŋ Abimeleki ye Iburayima kili, a ko a ye ko, “Ite ye muŋ ne ke ntolu la? Ŋa muŋ kuu jawu le ke i la, fo i be naa ñiŋ maasiiba jawu baa samba la naŋ n kaŋ, aniŋ n na mansamarali bankoo? I ye kuu le ke n na, meŋ maŋ ñaŋ ka ke.”

1 Musa 39:10

Luŋ-wo-luŋ a si a kumoo fo Yusufa ye, bari a maŋ soŋ hani ka i laa a daala, waraŋ ka tara a fee.

2 Musa 20:14

Ali kana jeenoo ke.

Kawandilaa 7:26

Ŋa feŋ ne je, meŋ jawuyaata saayaa ti: musoo meŋ ka munta ko kutindiŋo, a sondomoo mu jaloo ti, a buloolu mu nee joloo ti. Kee meŋ be Alla ye, wo be kana la ñiŋ musoo ma le. Bari junubelaa, a be wo duŋ na a la jaloo kono le.