1 Musa 3:17 - Mandinka Bible

^17-18 A ko Adama ye ko, “I bulata i la musoo la kumakaŋo le nooma, i ye yiroo diŋo domo, ŋa meŋ domoo haraamuyandi i ma. Ñiŋ kuwo kamma la, i ye meŋ ke teŋ, m be dankoo le laa la bankoo kaŋ. Ŋaniŋolu niŋ ñaamoolu be faliŋ na a kaŋ, aduŋ i be dookuwo ke la le kendeke i la baluwo bee kono, ka i baluu a munafaŋo la.

1 Musa 3:17 ပူးပေါင်းရင်းမြစ်များ

1 Musa 5:29

A ye a toolaa Nuha la. A kumata ko, “Ate le be ǹ dahandi la ǹ na dookuwo to, aduŋ ate le be m̀ buloo dahandi la dookuu dimindiŋo ma bankoo to, Yaawe* ye meŋ danka.”

Yohana 16:33

Ŋa ñiŋ kuwolu fo ali ye le fo ali si kayiroo soto nte kono. Ali ka niikuyaa soto duniyaa kono le, bari ali ali jusoo bambandi, kaatu nte ye duniyaa noo le.”

Jabuuroolu 127:2

Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

Kawandilaa 5:17

Ñiŋ koolaa, a ka a la baluwo muumeelaa bee ke diboo le kono, wo niŋ niitoora bambaloo, kuuraŋo, aniŋ niikuyaa.

Yuuba 14:1

Hadamadiŋo meŋ, a ka wuluu ka bo musoo le kono, a baluu tili maŋ siyaa, a bee be faariŋ nambaroo la.

Roomankoolu 3:19

Ŋà a loŋ ne ko, Musa la Luwaa* ye feŋ-wo-feŋ fo, a ye a fo moolu le ye, mennu be Luwaa koto, fo moo-wo-moo daa si muta, aduŋ duniyaa bee si tara Alla la kiitiyo koto.

Yuuba 21:17

Fo moo kuruŋolu ka kerefaa le baŋ? Fo maasiiba kuu le nene ka boyi ì kaŋ baŋ? Fo Alla nene ka a la jaraboo jindi naŋ ì kaŋ ne baŋ, a la kamfaa waatoo kono?

Luka 19:22

Wo to le mansa ko wo dookuulaa ye ko, ‘Ite dookuulaa nafantaŋo! M be i kiitindi la i faŋo la kumoolu le la. Ite ye a loŋ ne ko, nte mu kee saŋarariŋo le ti. Ite ye a loŋ ne, n ka n tinee feŋolu le la, m maŋ mennu dookuu, aduŋ n ka katiroo ke dulaa to le, m maŋ fiiroo ke daameŋ.

Matiyu 25:45

Bituŋ a si naa ì jaabi ko, ‘Tooñaa, m be a fo la ali ye, ali balanta kuu-wo-kuu la ka a ke n ñiŋ baadiŋolu* kono kiliŋ ye, meŋ na kuwo dooyaata ì bee kono, ali balanta ka a ke nte le ye.’

Kawandilaa 2:17

Ka tara baluwo to, n naata wo koŋ ne, kaatu meŋ ka ke ñiŋ duniyaa tiloo koto, a niitooroo warata m fee baake le. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 2:11

N naata m miira n kebaaroolu bee la, m faŋo buloo ye mennu ke, n na kata kuwolu. Heyi, wolu bee te feŋ ti, a ka munta le ko foño bayindoo. Nafaa te feŋ na ñiŋ duniyaa tiloo koto.

1 Musa 3:11

Alla ko a ye ko, “Jumaa le ye a fo i ye ko, i kenseŋo le mu? Fo i ye yiridiŋo le domo baŋ, ŋa meŋ haraamuyandi i ma?”

1 Musa 3:6

Wo le to biriŋ musoo ye a je ko, yiridiŋo ñiŋ beteyaata le ka a domo, aduŋ a be ñaaboo daa le to, aniŋ yiroo ñiŋ na kuwo be lafoo daa le to ka ñaameŋo dii moo la, a ye a diŋo taa, a ye a domo. A ye doo dii a keemaa la, a niŋ meŋ be jee, wo fanaa ye a domo.

Matiyu 22:12

A ko a ye ko, ‘N teeri, i dunta jaŋ ñaadii le, i maŋ maañoobiti feŋolu duŋ?’ Kewo be deyiriŋ.

Hiburunkoolu 6:8

Bari bankoo meŋ ka ŋaniŋolu niŋ ñaamoolu falindi, a maŋ jari feŋ na, bari a sutiyaata dankoo le la, aduŋ a labaŋo mu janiroo le ti.

1 Musa 8:21

Kabiriŋ Yaawe ye ñiŋ seera diimaalu seeroo taa, a ko a faŋ ye ko, “N te bankoo danka la kotenke hadamadiŋolu la kuwo kamma. Miiroo meŋ ka tara hadamadiŋo sondomoo kono, ka bo a la dindiŋyaa waatoo la, ka ke miira jawoo le ti. Aduŋ n te niilamaa feŋolu bee fanaa kasaara la kotenke ko ŋa meŋ ke teŋ.