1 Musa 3:14 - Mandinka Bible

¹⁴ Yaawe Alla ko saa ye ko, “I la ñiŋ kuwo kewo kaŋ, i keta dankatoo ti daafeŋolu bee kono, i be kali la kuruntu la i konoo le kaŋ, bankoo le be ke la i la domoroo ti i la baluu tiloo bee.

1 Musa 3:14 ပူးပေါင်းရင်းမြစ်များ

Mika 7:17

Ì ye kankaŋo kunuŋ ko saa, ko kuruntu feŋolu, ì jarajaratoo ye finti naŋ ì la tatoolu kono, ì kijafaratoo ye naa ite Yaawe kaŋ, ǹ na Alla, ì ye sila i la.

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Jabuuroolu 72:9

Keñewuloo* kono siilaalu bee si ñoyi a ye, aduŋ a jawoolu bee si i boyi a ye duuma.

Yesaya 29:4

I boyiriŋo, i si kuma ka bo bankoo duuma-duuma naŋ, i la kumoolu ye finti naŋ buutoo duuma. I kaŋo be bo la naŋ bankoo kono le komeŋ mañamafeŋo, aduŋ i la diyaamoo be ke la dumburoo le ti naŋ buutoo kono.

3 Musa 20:25

Wo kamma la ali ñanta le ka fataŋ-fansiri ke daafeŋolu la mennu maŋ koŋ aniŋ mennu konta, aniŋ kunoolu mennu maŋ koŋ aniŋ mennu konta. Ali kana ali faŋolu kosondi ka bo niŋ daafeŋolu domoo la, waraŋ kunoolu, waraŋ kuruntu feŋolu, ŋa mennu domoo koŋ ali ye.

1 Musa 9:6

Niŋ moo-wo-moo ye a ñoŋ hadamadiŋo yeloo boŋ, wo maarii fanaa yeloo ñanta boŋ na le, kaatu nte Alla ye hadamadiŋo daa m faŋo sawuroo le la.

1 Musa 3:1

Saa le kalanta wulakono daafeŋolu bee ti, Yaawe* Alla ye mennu daa. A ko musoo ye ko, “Fo Alla ko ali kana hani yiridiŋ ne domo ñiŋ naakoo kono baŋ?”

1 Musa 4:11

Wo kamma la, i keta dankamoo ti, aniŋ ŋa i bayi kunkoo kono le, i ye i doomaa yeloo boŋ meŋ kono, bankoo ye a suusuu, meŋ bota i faŋo la karoo la.